13.09.2026 | 16:49
Փաշինյանը շնորհավորել է Հայաստանի հրեական համայնքին՝ Ռոշ Հաշանայի առիթով
Էրդողանը կրկին հայտարարել է ՄԱԿ-ի Անվտանգության խորհուրդը բարեփոխելու անհրաժեշտության մասին
Քաղաքականություն
05.04.2023 | 17:39
Թուրքիայի նախագահ Ռեջեփ Թայիփ Էրդողանը կրկին հայտարարել է ՄԱԿ-ի Անվտանգության խորհուրդը բարեփոխելու անհրաժեշտության մասին, գրում է Անադոլու գործակալությունը։
«Աշխարհակարգը, որտեղ մարդկության ճակատագիրը որոշում է ընդամենը 5 երկիր, անգործունակ է։ Անհրաժեշտ է ՄԱԿ-ի Անվտանգության խորհրդի համապարփակ բարեփոխում»,- ասել է Թուրքիայի ղեկավարը։
Խոսելով ուկրաինական ճգնաժամի մասին՝ նա համոզմունք է հայտնել Ռուսաստանի և Ուկրաինայի միջև արդար խաղաղության հաստատման հնարավորության վերաբերյալ։ Էրդողանի խոսքով՝ այդ նպատակին հասնելը «կողմերին արժանապատիվ ելք կապահովի ստեղծված իրավիճակից և տարածաշրջանը դուրս կբերի այն հորձանուտից, որի մեջ ներքաշվել է»։
Հավելենք, որ Էրդողանի վարչակազմի ծրագրերից մեկը ՄԱԿ-ի Անվտանգության խորհրդի բարեփոխումն է, որն ակտիվորեն առաջ է տանում թուրքական կողմը։ 2021 թվականին հրատարակվել է նաև Էրդողանի՝ «Ավելի արդար աշխարհ հնարավոր է» գիրքը, որում Թուրքիայի նախագահն անդրադարձել է նաև ՄԱԿ-ի Անվտանգության խորհրդում բարեփոխումների անհրաժեշտությանը։ Գիրքը նաև ներառում է ՄԱԿ-ի վերակառուցման առաջարկներ, «Աշխարհը հինգից մեծ է» հեռանկարի կիրառում և կենտրոնանում է ՄԱԿ-ի ԱԽ կառուցվածքի փոփոխության վրա։
Էմմա Չոբանյան
