06.04.2026 | 12:10
Մոսկվան սպառնում է՝ ԵՄ-ին անդամության դեպքում դեպի ՌԴ չվերթներ չեն լինի // Տեղումներ են սպասվում․ ԼՈՒՐԵՐ
Թրամփը հեռացել է դատարանի դահլիճից՝ առանց հայտարարություն անելու
Քաղաքականություն
05.04.2023 | 00:02
ԱՄՆ նախկին նախագահ Դոնալդ Թրամփը լքել է Մանհեթենի դատարանի դահլիճը մեղադրական եզրակացության հրապարակումից հետո։ Նա ոչ մի հայտարարություն չի արել։ CNN-ը նշում է, որ դատարանի դահլիճից դուրս գալուց հետո նա անմիջապես նստել է դրսում կայանված իր ավտոմեքենան։
Հիշեցնենք, որ ԱՄՆ նախկին նախագահը չի ընդունել իր մեղքն ու իրեն մեղավոր չի ճանաչել ներկայացված 34 հոդվածով։
Ավելի վաղ Նյու Յորք ժամանած Թրամփը հայտնել էր, որ դատարանում իրեն մեղադրանք է առաջադրվելու 33 կետով։ Դրանցից մի քանիսը վերաբերում են բիզնեսում խարդախությանը։ Բոլորը Մանհեթենի շրջանային դատախազ Էլվին Բրեգի կողմից վերաորակվել են որպես քրեական։ Նախկին նախագահը չի ընդունել այդ մեղադրանքները և իր հերթին մեղադրել է դատախազին տեղեկատվության արտահոսքի մեջ՝ ասելով, որ վերջինս պետք է հրաժարական տա։
Հիշեցնենք նաև, որ մարտի 30-ին Նյու Յորքի դատարանի երդվյալ ատենակալները մեղադրական եզրակացություն էին ներկայացրել Դոնալդ Թրամփի՝ մեծահասակների համար ֆիլմերի դերասանուհի Սթորմի Դենիելսին 130,000 դոլար վճարելու գործով։ Դատախազության վարկածի համաձայն՝ վերջինիս գումար են տվել՝ Թրամփի հետ հարաբերությունների մասին «լռություն գնելու» համար։ Թրամփը երդվյալ ատենակալների դատավճիռն անվանել է «քաղաքական հետապնդում»։
