08.10.2026 | 22:10
Հայաստանի մի շարք հասցեներում էլեկտրաէներգիայի անջատումներ կլինեն
Թրամփը չի ընդունում իրեն առաջադրված մեղադրանքը
Քաղաքականություն
05.04.2023 | 10:51
ԱՄՆ նախկին նախագահ Դոնալդ Թրամփը Մանհեթենի դատարանում մեղադրական եզրակացության հրապարակումից հետո դահլիճը լքել է առանց որևէ հայտարարություն անելու։ CNN-ը նշում է, որ դատարանի դահլիճից դուրս գալուց հետո նա անմիջապես նստել է ավտոմեքենան և հեռացել։
BBC-ի ռուսական ծառայության հաղորդմամբ՝ դատարան ժամանելուն պես Թրամփը կալանքի տակ է պահվել՝ մինչև մեղադրանք առաջադրվելը: Դատարան ժամանելուց կես ժամ անց Թրամփը բարձրացել է 15-րդ հարկում գտնվող դատարանի դահլիճ, որտեղ ընթանում էր նիստը։ Մոտ մեկ ժամ անց նա դուրս է եկել դատարանի շենքից և գնացել Ֆլորիդայում գտնվող Մար-ա-Լագոյի իր կալվածքը: Այնտեղ նա 25 րոպեանոց ելույթ է ունեցել համախոհների առջև՝ հայտարարելով, որ ինքը լիովին անմեղ է և զոհ է դեմոկրատների ինտրիգներին, որոնք «ձգտում են ոչնչացնել» Ամերիկան։
ԱՄՆ նախկին նախագահին մեղադրում են 34 դրվագներով․ նա չի ընդունում մեղադրանքը և իր հերթին մեղադրել է դատախազին տեղեկատվության արտահոսքի մեջ՝ ասելով, որ վերջինս պետք է հրաժարական տա։
Հիշեցնենք նաև, որ մարտի 30-ին Նյու Յորքի դատարանի երդվյալ ատենակալները մեղադրական եզրակացություն էին ներկայացրել Դոնալդ Թրամփին առ այն, որ նա մեծահասակների համար ֆիլմերի դերասանուհի Սթորմի Դենիելսին 130,000 դոլար վճարել իր հետ սեռական հարաբերությունների մասին լռություն պահպանելու համար։ Թրամփը երդվյալ ատենակալների դատավճիռն անվանել է «քաղաքական հետապնդում»։
