16.12.2025 | 14:24
Քննարկվել են ՀՀ և Վրաստանի ՊՆ-ների միջև ռազմավարական հաղորդակցության ոլորտում համագործակցության ընդլայնման հարցեր
Թրամփը դատարան է ժամանել․ նրան պաշտոնապես մեղադրանք կառաջադրվի
Քաղաքականություն
04.04.2023 | 21:40
ԱՄՆ նախկին նախագահ Դոնալդ Թրամփը ժամանել է Նյու Յորքի դատարան, որտեղ նրան պաշտոնապես մեղադրանք կառաջադրվի ֆինանսական խարդախության համար, հաղորդում է BBC-ի ռուսական ծառայությունը։
CNN-ի հաղորդմամբ էլ՝ Թրամփին ֆորմալ ձերբակալել են՝ մինչև պաշտոնական մեղադրանքի առաջադրումը։ Դրանից հետո նա կկարողանա լքել դատարանի դահլիճը։
Ամերիկյան լրատվամիջոցները հայտնել են, որ Թրամփը մտադիր է դատարանում հանդես գալ իր անմեղության մասին հայտարարությամբ։
Թրամփը դատարան է ժամանել մեկ տասնյակ մեքենաներից բաղկացած ավտոշարասյունով և անվտանգության աշխատակիցներով, որոնք նրան տրամադրվել են որպես նախկին նախագահի։
Նախկին նախագահի ավտոշարասյունը դատարան է ժամանել Trump Tower-ից, ուր նա մեկ օր առաջ ժամանել է Ֆլորիդայից։ Դատարանի մոտ հավաքվել են Թրամփի բազմաթիվ կողմնակիցներ ու հակառակորդներ, ինչպես նաև լրագրողներ։ Հարակից տարածքն արգելափակված է ոստիկանների և գաղտնի ծառայության աշխատակիցների կողմից, որոնք հսկում են Թրամփին։
Ավելի վաղ հաղորդվել էր, որ չնայած լրագրողների կողմից բազմաթիվ խնդրանքներին և մեծ հետաքրքրությանը՝ դատարանը չի թույլատրել ուղիղ հեռարձակում ապահովել նիստերի դահլիճից՝ միայն թույլ տալով լուսանկարիչներին մի քանի լուսանկար անել մինչև նիստի մեկնարկը։
Նշվում է, որ դատարան ժամանելիս Թրամփը չի խոսել՝ ինչպես ենթադրում էին որոշ լրատվամիջոցներ, բայց նա կարող է դա անել շենքից դուրս գալուց հետո կամ արդեն Ֆլորիդայում, ուր նախատեսում է վերադառնալ երեքշաբթի երեկոյան:
