27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Նիդեռլանդներում մարդատար գնացքը դուրս է եկել գծերից. տասնյակ վիրավորներ կան
Քաղաքականություն
04.04.2023 | 16:13
Նիդեռլանդներում մարդատար գնացքը, որում մոտ 50 մարդ է եղել, դուրս է եկել ռելսերից։ Հաղորդվում է, որ այն բախվել է շինարարական կռունկին, որը եղել է երկաթուղու գծերի վրա, փոխանցում է BBC-ի ռուսական ծառայությունը։
Տեղի իշխանությունները հայտնում են, որ առնվազն մեկ մարդ մահացել է, տասնյակ ուղևորներ վիրավորվել են, որոնցից շատերը ծանր վիճակում են: 19 հոգի տեղափոխվել է հիվանդանոց, մնացածին բուժօգնություն է ցուցաբերվել տեղում, հայտնել են հրշեջ ծառայությունից։
ANP գործակալությունը հայտնում է, որ բախումից հետո գնացքի առաջին վագոնը ռելսերից դուրս է եկել, երկրորդը շրջվել է, իսկ երրորդ վագոնում հրդեհ է բռնկվել։
Հոլանդիայի NOS հանրային հեռարձակողի տվյալներով՝ միջադեպը տեղի է ունեցել տեղական ժամանակով 03:30-ի սահմաններում։
Մարդատար գնացքը Հաագայից ուղևորվել է Լեյդեն քաղաք, իսկ վթարը տեղի է ունեցել Վորշոտեն քաղաքի մոտակայքում։
Տաթև Ֆռանգյան
