16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Ռուսական ուժերը գրավել են Բախմուտի վարչական շենքը և շարժվում են դեպի քաղաքի կենտրոն. ISW
Քաղաքականություն
04.04.2023 | 11:00
Ուկրաինական ճակատում տիրող իրավիճակի մասին իր հերթական զեկույցում Պատերազմի ուսումնասիրման ամերիկյան ինստիտուտը (ISW) հաստատում է ռուսական աղբյուրների տվյալները, որ «Վագների» ուժերը ապրիլի 2-ի գիշերը կարողացել են գրավել Բախմուտի վարչական շենքը, փոխանցում է BBC-ի ռուսական ծառայությունը։
ISW-ի տվյալների համաձայն՝ ապրիլի 3-ին ռուսական ուժերը շարունակել են առաջ շարժվել քաղաքի կենտրոնում։ Ինչպես գրում են ամերիկացի փորձագետները, Ուկրաինայի ԶՈւ ներկայացուցիչները հաստատում են ISW-ի եզրակացություններն այն մասին, որ «վագներականների» հետ միասին Բախմուտում ավելի շատ սկսել է գործել ՌԴ կանոնավոր բանակը, մասնավորապես ռազմաօդային ուժերը։
Երկուշաբթի գիշերը «Վագների» հիմնադիր Եվգենի Պրիգոժինը հայտարարել է, որ ռուսական ուժերը «իրավաբանորեն գրավել են» Բախմուտը։ Ընդ որում, նա հայտնել է, որ քաղաքի արևմտյան մասում մնում են ուկրաինական ուժերը։ Ուկրաինայի իշխանությունների ներկայացուցիչները Պրիգոժինի խոսքերն անվանել են իրականությանը չհամապատասխանող․ նրանք պնդում են, որ Ուկրաինայի ԶՈւ ուժերը շարունակում են կռվել Բախմուտի համար։
