07.10.2026 | 23:48
Արթուր Դանիելյանը կալանավորվեց
Զուրաբիշվիլին խոսել է Վրաստանի՝ ՆԱՏՕ-ին և ԵՄ-ին ինտեգրվելու մասին
Քաղաքականություն
03.04.2023 | 21:38
Լիտվայի նախագահի հետ կայացած մամուլի ասուլիսում Վրաստանի նախագահ Սալոմե Զուրաբիշվիլին ասել է, որ ժամանակն է՝ ՆԱՏՕ-ն կոնկրետ քայլեր ձեռնարկի վերադառնալու Բուխարեստի գագաթնաժողովի հռչակագրի ոգուն՝ հուլիսին Վիլնյուսում ցույց տալով նաև ՆԱՏՕ-ին Վրաստանի ինտեգրման առաջընթացը: Այս մասին գրում է Aliq Media-ն:
Ըստ Զուրաբիշվիլիի՝ Վրաստանը վերջին 20 տարիների ընթացքում Դաշինքին ցույց է տվել արժանի և վստահելի գործընկերության բազմաթիվ օրինակներ։ Զուրաբիշվիլիի խոսքով, ոչ ոքի չպետք է թույլ տալ հիասթափեցնել Վրաստանին և վրաց ժողովրդին։
«Ոչ ոք չպետք է Ռուսաստանին կեղծ հույսեր տա, որ մեկուսացված Վրաստանը կդառնա նրա նոր և հեշտ թիրախը»,- ասել է նախագահը։
Նախագահը նաև նշել է, որ այսօր Եվրամիության թեկնածու երկրի կարգավիճակ ստանալը Վրաստանի ոչ այլընտրանքային նպատակն է: Նախագահը նշել է՝ Վրաստանը և վրաց ժողովուրդը արժանի են վերադառնալու իրենց պատմական տեղը եվրոպական մեծ ընտանիքում:
Նրա խոսքով, Վրաստանը և վրաց ժողովուրդը բազմիցս ապացուցել են իրենց անսասան հավատարմությունը եվրոպական արժեքներին։ Ինչպես նշել է Վրաստանի նախագահը, երկրի բնակչությունը համախմբված է Եվրամիությանն ինտեգրվելու գաղափարի շուրջ։
«Անկախության վերականգնումից ի վեր Վրաստանն անցել է դժվարություններով լի 32 տարի։ Վրաց ժողովուրդը հաղթահարեց բազմաթիվ դժվարություններ և մարտահրավերներ՝ պաշտպանելու ազատության և եվրոպական արժեքների իր ընտրությունը: Այս պայքարն այսօր էլ շարունակվում է։ Վրաստանը և վրաց ժողովուրդը հերթական անգամ այս օրերին, և ոչ մեկ անգամ անցյալ տարիներին, ապացուցեցին իրենց անսասան հավատարմությունը եվրոպական արժեքներին։ Եվրամիությանն ինտեգրվելը Վրաստանի բնակչության 80 տոկոսի ընտրությունն է»,- ասել է Զուրաբիշվիլին:
