13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Ռուսական Բելգորոդի գործարարներին խորհուրդ են տվել աշխատակիցների համար ապաստարաններ կառուցել և խրամատներ փորել
Քաղաքականություն
03.04.2023 | 22:10
ՌԴ Բելգորոդի քաղաքային իշխանությունները նամակ են ուղարկել քաղաքի գործարարներին՝ կոչ անելով ապաստարաններ նախապատրաստել իրենց աշխատակիցների համար և ամրացնել գրասենյակի պատերն «ավազի պարկերով, բետոնե բլոկներով և այլ կառույցներով»՝ ինչպես դրսում, այնպես էլ ներսում, գրում է BBC-ի ռուսական ծառայությունը։
Նման միջոցների անհրաժեշտությունը բացատրվում է նրանով, որ «պահպանվում են հարևան պետության կողմից հրետակոծության սպառնալիքները»։
Այդ կապակցությամբ քաղաքապետարանից Բելգորոդի ձեռնարկությունների ղեկավարներին խորհուրդ են տվել սկսել «անձնակազմի համար վերգետնյա և ստորգետնյա տիպի ապաստարաններ (խրամատներ)» կառուցել։
Չնայած պաշտոնապես Բելգորոդի փոխքաղաքապետ Իգոր Գրիգորենկոյի ստորագրած նամակը խորհրդատվական բնույթ ունի, գործարարներին խնդրում են զեկուցել ձեռնարկված միջոցառումների մասին՝ նամակ ուղարկելով մինչև 2023 թվականի ապրիլի 6-ը։
Էմմա Չոբանյան
