16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ՆԱՏՕ-ն փոփոխություն չի տեսնում Ռուսաստանի միջուկային դիրքորոշման մեջ
Քաղաքականություն
03.04.2023 | 18:53
ՆԱՏՕ-ն համակ ուշադրությամբ հետևում է, թե ինչ է կատարվում Ռուսաստանում, բայց փոփոխություններ չի արձանագրում Մոսկվայի միջուկային քաղաքականության մեջ՝ Բելառուսում մարտավարական միջուկային զենքի տեղակայման մասին ՌԴ նախագահ Վլադիմիր Պուտինի հայտարարությունից հետո։ Այսօր Բրյուսելում դաշինքի երկրների արտգործնախարարների հանդիպման նախաշեմին կայացած մամուլի ասուլիսի ժամանակ ասել է ՆԱՏՕ-ի գլխավոր քարտուղար Յենս Ստոլտենբերգը, գրում է DW-ի ռուսական ծառայությունը։
«Մենք որևէ փոփոխություն չենք տեսնում նրանց միջուկային դիրքորոշման մեջ, որը կխոչընդոտի մեզ աջակցել Ուկրաինային։ Սակայն մեզ չեն վախեցնի»,- ասել է Հյուսիսատալանտյան դաշինքի գլխավոր քարտուղարը։
Նա վստահեցրել է, որ ՆԱՏՕ-ն կշարունակի ռազմական աջակցություն ցուցաբերել Ուկրաինային, ներառյալ՝ Ուկրաինայի զինված ուժերի հզորացումը։ Նրա խոսքով՝ այդ աջակցությունը դեռ երկար է հաշվարկվելու, ուստի դաշինքի անդամները պետք է Ուկրաինայի համար բազմամյա ծրագիր մշակեն։
Տաթև Ֆռանգյան
