11.04.2026 | 17:22
Ավոտբուսներով քաղաքացիներ են բերվում «Ուժեղ Հայաստանի» հանրահավաքին մասնակցելու․ ՏԵՍԱՆՅՈւԹ
Ռուս քննիչները Պետերբուրգում պայթյունների համար մեղադրել են Ուկրաինայի հատուկ ծառայություններին՝ Նավալնիի հիմնադրամի մասնակցությամբ
Քաղաքականություն
03.04.2023 | 16:36
Ռուսաստանի Ազգային հակաահաբեկչական կոմիտեն հայտնել է, որ Սանկտ Պետերբուրգի սրճարանում պայթյունը, իբր, ծրագրել են ուկրաինական հատուկ ծառայությունները, փոխանցում է BBC-ի ռուսական ծառայությունը։
Բացի այդ, ՌԴ հատուկ ծառայությունները պնդում են, որ հարձակումը, որի ժամանակ սպանվել է ռազմական լրագրող Վլադլեն Թաթարսկին, ծրագրվել է «Ալեքսեյ Նավալնիի Կոռուպցիայի դեմ պայքարի հիմնադրամից գործակալների ներգրավմամբ»։
Ազգային հակաահաբեկչական կոմիտեի վարկածի համաձայն՝ պայթյունի գործով ձերբակալված Դարյա Տրեպովան Նավալնիի կողմնակիցներից է։
«Պարզվել է, որ ապրիլի 2-ին Սանկտ Պետերբուրգում հայտնի լրագրող Վլադլեն Թաթարսկու դեմ կատարված ահաբեկչությունը ծրագրվել է Ուկրաինայի հատուկ ծառայությունների կողմից՝ գործակալներ ներգրավելով, այսպես կոչված, Նավալնիի հակակոռուպցիոն կազմակերպության հետ համագործակցող անձանցից, որի ակտիվ աջակիցն է կալանավորված Տրեպովան»,- ասվում է Ազգային հակաահաբեկչական կոմիտեի հայտարարությունում։
Ուկրաինայի նախագահի գրասենյակի խորհրդական Միխայիլ Պոդոլյակը նախօրեին հերքել է Պետերբուրգում պայթյունի հետ Կիևի որևէ կապը՝ այն անվանելով «ներքին ահաբեկչություն»։
