27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Լեհաստանն Ուկրաինա է ուղարկել առաջին ՄիԳ-29 կործանիչները
Քաղաքականություն
03.04.2023 | 15:55
Լեհաստանի իշխանությունները մի քանի ՄիԳ-29 կործանիչներ են ուղարկել Ուկրաինայի Զինված ուժերի կարիքների համար, հայտարարել է նախագահ Անջեյ Դուդայի արտաքին քաղաքականության գծով ներկայացուցիչ Մարչին Պշիդաչը, գրում է BBC-ի ռուսական ծառայությունը։
«Որքան ես գիտեմ՝ մի քանի ՄիԳ-29 ինքնաթիռներ արդեն ուղարկվել են [Կիև]։ Իմ տեղեկություններով՝ փոխանցման գործընթացն ավարտված է»,- ասել է նա լեհական RMF ռադիոկայանի եթերում։
Պշիդաչը չի պարզաբանել, թե քանի կործանիչ է փոխանցվել Ուկրաինայի Զինված ուժերին, սակայն ընդգծել է, որ խոսքը միայն օգնության առաջին տրանշի մասին է, որից հետո «հետագա աջակցության մասին խոսակցություններ կլինեն»։
Նա նաև հիշեցրել է, որ առաջիկա մի քանի տարին Լեհաստանը, ամեն դեպքում, մտադիր էր Կիևին փոխանցված ինքնաթիռները փոխարինել ավելի ժամանակակից մեքենաներով։
Ընդհանուր առմամբ, Լեհաստանն ունի 28 ՄիԳ-29 կործանիչ, որոնք տեղակայված են Մալբորկ քաղաքի ավիաբազայում։
Տաթև Ֆռանգյան
