15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Ռուս պաշտոնյաների և պետական ընկերությունների ղեկավարների անձնագրերն առգրավում են․ Financial Times
Քաղաքականություն
03.04.2023 | 14:59
Ռուս ուժայինները բարձրաստիճան պաշտոնյաներից և խոշոր պետական ձեռնարկությունների ղեկավարներից առգրավում են անձնագրերը։ BBC-ի ռուսական ծառայության փոխանցմամբ՝ այս մասին հայտնում է բրիտանական Financial Times պարբերականը։
Աղբյուրի տվյալներով՝ դա արվում է «հնարավոր արտահոսքերի և դասալքության պարանոյայի պատճառով»։
«Ճնշման ուժգնացումն արտացոլում է այն, թե ինչ խորը կասկածով են վերաբերվում Կրեմլում և ԱԴԾ-ում ռուսական քաղաքացիական էլիտայի ներկայացուցիչների հավատարմությանը, որոնցից շատերը մասնավոր կերպով դեմ են Ուկրաինայի պատերազմին և դժգոհ են, թե ինչ ազդեցություն է այն թողնում իրենց կյանքի վրա»,- գրում է Մաքս Սեդդոնը՝ վկայակոչելով իր իրազեկ աղբյուրներին։
ՌԴ նախագահի մամուլի քարտուղար Դմիտրի Պեսկովը նույնպես հաստատել է, որ խստացվել են «զգայուն ոլորտների» մի շարք աշխատակիցների՝ Ռուսաստանից դուրս ճանապարհորդության սահմանափակումները։
Էմմա Չոբանյան
