Ֆինլանդիայի ընտրություններում հաղթել է ընդդիմադիր կուսակցությունը

Ֆինլանդիայի խորհրդարանական ընտրություններում հաղթած ընդդիմադիր Ազգային կոալիցիոն կուսակցության ղեկավար Փեթերի Օրպոն հայտարարել է նոր կառավարություն ձևավորելու համար բոլոր կուսակցությունների հետ բանակցություններ  վարելու պատրաստակամության մասին, փոխանցում է Euronews-ը։

Կիրակի կայացած ընտրություններում Ազգային կոալիցիաոն կուսակցությունը, ՆԳՆ նախկին ղեկավար և ֆինանսների նախարար Օրպոի ղեկավարությամբ, հավաքել է ձայների 20,8%-ն ու ստացել խորհրդարանի 200 մանդատից 48-ը։

«Կարծում եմ՝ ֆինն ազգը փոփոխությունների է սպասում։ Նրանք ցանկանում են փոփոխություններ, և այժմ ես կսկսեմ բանակցությունները մյուս կուսակցությունների հետ։ Կարևորագույն հարցը տնտեսությունն է։ Մենք պետք է բարելավենք իրավիճակը տնտեսությունում։ Անհրաժեշտ են բարեփոխումներ, որպեսզի արագացնենք տնտեսական աճը»,- քվեարկության նախնական արդյունքների հայտարարումից հետո հայտրարել է Օրպոն։

Ընտրություններում երկրորդ տեղը զբաղեցրել է «Իսկական ֆիններ» կուսակցությունը՝ ձայների 20,1%-ով՝ ստանալով 46 մանդատ։

Գործող վարչապետ Սաննա Մարինի Սոցիալ-դեմոկրատական կուսակցությունը զբաղեցրել է երրորդ հորիզոնականը՝ ձայների 19,9%-ով և նոր խորհրդարանում կներկայանա 43 մանդատով։

Նշվում է, որ այս ընտրությունները ռեկորդային են եղել կին թեկնածուների թվով (42,6%)։

Ըստ ֆիննական Yle տեղեկատվական պորտալի՝ նոր խորհրդարանը կազմում 54%-ը տղամարդիկ են լինելու, 46%-ը՝ կին:

Ընտրություններին մասնակցությունը կազմել է գրեթե 72%։

Տաթև Ֆռանգյան