27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
ՕՊԵԿ+-ի մի շարք երկրներ մայիսից կամավոր կկրճատեն նավթի արդյունահանումը
Քաղաքականություն
03.04.2023 | 14:30
Սաուդյան Արաբիան, Ռուսաստանը և ՕՊԵԿ+-ի՝ նավթ արտահանող այլ երկրներ ապրիլի 2-ին հայտարարել են նավթի արդյունահանումը օրական մոտ 1,15 մլն բարելով կրճատելու մասին։
Սաուդյան Արաբիայի Էներգետիկայի նախարարությունը հայտարարել է, որ Էր-Ռիադը կկրճատի արդյունահանումն օրական 500 հազար բարելով, Արաբական Միաթյան Էմիրությունները՝ 144 հազար բարելով, Իրաքը՝ 211 հազար բարելով, Քուվեյթը՝ 128 հազար բարելով, Ղազախստանը՝ 78 հազար բարելով, Օմանը՝ 40 հազար բարելով, իսկ Ալժիրը՝ 48 հազար բարելով, գրում է Reuters-ը։
ՌԴ փոխվարչապետ Ալեքսանդր Նովակը հայտարարել է, որ ՌԴ-ն կերկարաձգի օրական 500 հազար բարելով նավթի արդյունահանման կամավոր կրճատման իր որոշումը մինչ 2023 թվականի ավարտը։
Նավթի արդյունահանման հավելյալ կամավոր կրճատումը դարձել է անսպասելի քայլ և, Reuters-ի կողմից հարցված վերլուծաբանների կարծիքով, նավթի գների անհապաղ աճ կհարուցի։ Սաուդյան Արաբիայի Էներգետիկայի նախարարությունը հայտարարել է, որ «կրճատում է արդյունահանումը նավթային շուկայում կայունության պահպանման համար»։
Մտավախությունների պատճառով, որ համաշխարհային բանկային ճգնաժամը կհարվածի պահանջարկին, նավթի գներն անցյալ ամիս իջել են մինչև 70 դոլար՝ մեկ բարելի դիմաց, ինչն ամենացածրն է վերջին 15 ամսվա ընթացքում։
Տաթև Ֆռանգյան
