27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Ձերբակալվել է Սանկտ Պետերբուրգի սրճարանում պայթյուն իրականացնելու մեջ կասկածվողը
Քաղաքականություն
03.04.2023 | 13:53
Դարյա Տրեպովան, որը կասկածվում էր Սանկտ Պետերբուրգի սրճարաններից մեկում տեղի ունեցած պայթյունի կազմակերպման մեջ, բերման է ենթարկվել, այս մասին հայտնում է ՌԻԱ Նովոստին՝ հղում կատարելով ՌԴ քննչական կոմիտեին։ Ավելի վաղ ՌԴ ՆԳՆ հետախուզում էր հայտարարել նրա նկատմամբ։ Թե որ հոդվածով են կասկածում Տրեպովային, չի նշվում։
Հիշեցնենք՝ նախօրեին երեկոյան Սանկտ Պետերբուրգի սրճարաններից մեկում պայթյուն է որոտացել։ Պայթյունի պահին սրճարանում հանդիպում էր անցկացվում ռազմական բլոգեր Վլադլեն Թաթարսկիի (Մաքսիմ Ֆոմին) հետ։ Լրագրողը զոհվել էր, տուժել էր 32 մարդ։
«ՌԻԱ Նովոստի»-ի աղբյուրը հայտնել է, որ պայթուցիկ սարքը, որը քողարկված է եղել արձանի տեսքով, բերել է երեկոյի այցելուներից մեկը՝ որպես նվեր Թաթարսկիին։ Լրատվամիջոցների տեղեկություններով այդ այցելուն եղել է հենց Տրեպովան։
Տաթև Ֆռանգյան
