15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Սանկտ Պետերբուրգի սրճարանում պայթյունի հետևանքով վիրավորների թիվը հասել է 32-ի
Քաղաքականություն
03.04.2023 | 10:54
Ռուսաստանի Առողջապահության նախարարությունը հայտնել է, որ Սանկտ Պետերբուրգի «Ստրիտ-ֆուդ բար No1» սննդի բարում կիրակի օրը տեղի ունեցած պայթյունի հետևանքով, որի հետևանքով մահացել էր ռազմական բլոգեր Վլադլեն Թաթարսկին, վիրավորների թիվը հասել է 32-ի, փոխանցում է BBC-ի ռուսական ծառայությունը։ Ավելի վաղ իշխանությունները հայտնել էին 30 վիրավորի մասին։
«Ինտերֆաքս»-ը փոխանցում է Առողջապահության նախարարության հաղորդագրությունը, ըստ որի՝ 10 տուժածի վիճակը շարունակում է մնալ ծանր, 16-ը՝ միջին ծանրության (այդ թվում՝ 14-ամյա մի աղջկա)։ Եվս 5 հոգի հիվանդանոցում են, նրանց վիճակը գնահատվում է բավարար։
Սանկտ Պետերբուրգի բարերից մեկում երեկ պայթյուն էր տեղի ունեցել Վլադլեն Թաթարսկիի հետ (իսկական անունը՝ Մաքսիմ Ֆոմին) կազմակերպված հանդիպման ժամանակ։ Ռուսական իշխանությունների տվյալներով՝ դահլիճում պայթուցիկ սարք է գործի դրվել։
Տաթև Ֆռանգյան
