08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Ծանրամարտի աշխարհի պատանեկան առաջնությունից շիրակցի ծանրորդուհիները վերադարձել են երկու բրոնզե մեդալով
03.04.2023 | 10:23
Ալբանիայում ավարտվեց ծանրամարտի աշխարհի պատանեկան առաջնությունը։ Այս մասին հայտնում են Շիրակի մարզպետարանից: Միջոցառմանը մասնակցող ՀՀ հավաքական թիմի կազմում ընդգրկված էին նաև Շիրակի մարզպետի աշխատակազմի «Գյումրու մարզական բարձրագույն վարպետության դպրոց» ՊՈԱԿ-ի երկու ծանրորդուհիները․ տեղեկացնում են Շիրակի մարզպետարանից։
76 կգ քաշային կարգայինների մրցապայքարում Աննա Ամրոյանը (անձնական մարզիչ՝ Քրիստինե Պետրոսյան) երկամարտի 204 կգ արդյունքով դարձավ բրոնզե մեդալակիր:
Մյուս մարզուհին՝ 81 կգ քաշային կարգայինների մրցապայքարին մասնակցող Էմմա Պողոսյանը (անձնական մարզիչ` ՀՀ վաստակավոր մարզիչ Արտաշես Ներսիսյան) երկամարտի 221 կգ արդյունքով ևս դարձավ բրոնզե մեդալակիր։ Էմման բրոնզե մեդալներ նվաճեց նաև «Պոկում» և «Հրում» մրցաձևերում։
Մեր մարզուհիները արդեն վերադարձել են հայրենիք և նախապատրաստվում են մասնակցելու ապրիլի 14-23-ը Երևանում կայանալիք ծանրամարտի Եվրոպայի մեծահասակների առաջնությանը։
