08.10.2026 | 22:10
Հայաստանի մի շարք հասցեներում էլեկտրաէներգիայի անջատումներ կլինեն
Եվրոպացի առաջնորդները հարգել են Բուչայում զոհերի հիշատակը
Քաղաքականություն
31.03.2023 | 19:58
Ուկրաինայի նախագահ Վլադիմիր Զելենսկին և օտարերկրյա պետությունների ու կառավարությունների ղեկավարները հարգել են ՌԴ օկուպացիայի ժամանակ Կիևի մարզի Բուչա քաղաքում զոհվածների հիշատակը։ Այս մասին հայտնել է Ուկրաինայի առաջնորդի մամուլի ծառայությունը, փոխանցում է korrespondent-ը։
Արարողությունը տեղի է ունեցել Բուչայի Սուրբ Անդրեաս Առաքյալի և Ամենայն Սրբոց եկեղեցու մոտ։ Ուկրաինայի ղեկավարի հետ զոհվածների հիշատակը հարգել են Մոլդովայի նախագահ Մայա Սանդուն, Սլովակիայի վարչապետ Էդուարդ Հեգերը, Սլովենիայի վարչապետ Ռոբերտ Գոլոբը, Խորվաթիայի վարչապետ Անդրեյ Պլենկովիչը, ինչպես նաև ուկրաինացի քաղաքական գործիչներ։
Արարողության մասնակիցները մոմեր են վառել Բուչայում սպանված խաղաղ բնակիչների հիշատակին նվիրված խաչի մոտ:
Հիշեցնենք, որ Բուչայից ռուսական զորքերի հետքաշումից հետո Ուկրաինայի իշխանությունները կադրեր էին տարածել, որոնցում պատկերված էին Բուչայում զոհված խաղաղ բնակիչները: Ուկրաինան ողբերգության մեջ մեղադրում է ռուսական զորքերին, իսկ նախագահ Վլադիմիր Զելենսկին կատարվածը որակել է ցեղասպանություն։
Տաթև Ֆռանգյան
