05.11.2024 | 09:40
Բյուջե-2025-ի նախագծի քննարկումները ԱԺ հանձնաժողովներում՝ ՈՒՂԻՂ
Լուկաշենկոն հայտարարել է, որ Մինսկը միջուկային զենք է խնդրում՝ Արևմուտքի հետ պատերազմին պատրաստվելու համար
Քաղաքականություն
31.03.2023 | 21:08
Մինսկը ձգտում է իր տարածքում միջուկային զենք տեղակայել՝ նախապատրաստվելով արևմտյան երկրների հետ հակամարտությանը։ Այս մասին հայտարարել է Ալեքսանդր Լուկաշենկոն ազգին ու խորհրդարանին ուղղված իր ուղերձի ժամանակ։ Նա ընդգծել է, որ երկար ժամանակ է՝ բանակցություններ է վարում Մոսկվայի հետ, սակայն վերջերս նկատել է հանրապետության դեմ ռազմական ագրեսիա նախապատրաստելու նշաններ, փոխանցում է Euronews-ը։
«Ես համառորեն ակտիվացրել եմ բանակցությունները Ռուսաստանի նախագահ Պուտինի հետ միջուկային զենքը Բելառուս վերադարձնելու շուրջ։ Խոսքը հենց միջուկային զենքի վերադարձի մասին է, որը դուրս է բերվել 1990-ականներին երաշխիքներով՝ ոչ մի պատժամիջոց դուրս բերողների նկատմամբ, ոչ մի ճնշում, հարձակման ու հեղափոխությունների ոչ մի պլանավորում։ Ամեն ինչ ոտնահարված է, ամեն ինչ խախտված է»,- հայտարարել է Լուկաշենկոն։
Խորհրդային Միության փլուզումից հետո Բելառուսի տարածքից դուրս է բերվել միջին և փոքր հեռահարության գրեթե 600 հրթիռ։
Մինչ այդ, հանրապետությունում տեղակայված է եղել մինչև 40 հազար անձից բաղկացած ռազմավարական ուժերի խմբավորում, որն ուներ միջուկային զենքի աշխարհի ամենամեծ զինանոցներից մեկը։
Տաթև Ֆռանգյան
