13.09.2026 | 13:39
Սեպտեմբերի 13-18-ին Հայաստանում տեղումներ չեն սպասվում․ ջերմաստիճանը կբարձրանա 2-4 աստիճանով
Թուրքիայի նախկին նախագահն ընտրություններում աջակցում է Էրդողանի գլխավոր մրցակցին
Քաղաքականություն
31.03.2023 | 22:04
Թուրքիայի 10-րդ նախագահ Ահմեդ Նեջդեթ Սեզերն աջակցում է ընդդիմության միասնական թեկնածու Քեմալ Քըլըչդարօղլուին։ Վերջինն այցելել է Անկարայի Սեզերի տուն, գրում է Turkish Minute-ը։
Այս ամսվա սկզբին ընդդիմադիր վեց կուսակցություններից բաղկացած դաշինքի կողմից նախագահի թեկնածու առաջադրվելու մասին հայտարարությունից հետո Ժողովրդահանրապետական կուսակցության նախագահ Քըլըչդարօղլուն հանդիպումներ է ունենում քաղաքական կուսակցությունների և հայտնի գործիչների հետ՝ նրանց աջակցությունը ստանալու համար:
Օրերս նա այցելել է 81-ամյա Սեզերին՝ խնդրելու նրա աջակցությունը։ Սեզերը, որը Քըլըչդարօղլուի հետ հանդիպումից հետո հակիրճ զրուցել է լրագրողների հետ, ասել է, որ հաջողություն է մաղթել CHP-ի առաջնորդին նախագահական ընտրություններում։
Հարցին՝ արդյո՞ք պաշտպանում է նրա թեկնածությունը, Սեզերը պատասխանել է. «Այո»։
Սահմանադրական դատարանի նախկին նախագահ Սեզերը նախագահ է ընտրվել 2000 թվականին և պաշտոնավարել մինչև 2007 թվականը։ Նա հաճախակի հակասություններ ու տարաձայնություններ է ունեցել Ռեջեփ Թայիփ Էրդողանի ղեկավարած «Արդարություն և զարգացում» կուսակցության (AKP) հետ։
Էմմա Չոբանյան
