19.03.2026 | 23:17
Էստոնիան մեղադրել է Ռուսաստանին օդային տարածքի խախտման համար
Ռուսաստանում ապրող կամ այնտեղ գտնվող ԱՄՆ քաղաքացիները պետք է անհապաղ լքեն այն․ Բլինքեն
Քաղաքականություն
30.03.2023 | 22:12
ԱՄՆ պետքարտուղար Էնթոնի Բլինքենը հայտարարել է, որ Ռուսաստանում գտնվող ԱՄՆ բոլոր քաղաքացիները պետք է անհապաղ լքեն այն։ Այս մասին գրում է Gazeta.ru-ն։
Ամերիկացի դիվանագետն այս հայտարարությունն արել է The Wall Street Journal-ի լրագրող Էվան Գերշկովիչի ձերբակալության ֆոնին։ Բլինքենի խոսքով՝ Պետքարտուղարության գերակայությունն արտերկրում գտնվող ամերիկացի քաղաքացիների անվտանգությունն է:
«Մենք կրկնում ենք մեր խիստ նախազգուշացումներն այն վտանգի մասին, որ սպառնում է ԱՄՆ քաղաքացիներին Ռուսաստանի Դաշնության տարածքում»,- ասել է պետքարտուղարը։
Բլինքենը նաև նշել է, որ իր գրասենյակը կապի մեջ է WSJ-ի ներկայացուցիչների հետ ամերիկացի թղթակցի ձերբակալության հետ կապված իրավիճակի հարցով։
Նշենք, որ Մոսկվայի Լեֆորտովոյի դատարանը ձերբակալել է Wall Street Journal-ի լրագրող Էվան Գերշկովիչին, որն ավելի վաղ կալանավորվել էր Եկատերինբուրգում՝ լրտեսության կասկածանքով։ Քրեական գործը կրել է «հույժ գաղտնի» բնույթ, լրագրողն իրեն առաջադրված մեղադրանքը չի ընդունում։
ՌԴ Անվտանգության դաշնային ծառայության տվյալներով՝ ԱՄՆ քաղաքացի Գերշկովիչը, իբր, պետական գաղտնիք կազմող տեղեկություններ է հավաքել «ռուսական ռազմարդյունաբերական համալիրի ձեռնարկություններից մեկի գործունեության վերաբերյալ»։
