10.04.2026 | 12:37
NYMEX. Թանկարժեք մետաղների գներն աճել են
Բաքվում ոստիկաններն ուժով ցրել են ընդդիմության բողոքի ակցիան. ԼՈւՍԱՆԿԱՐՆԵՐ
Քաղաքականություն
30.03.2023 | 22:57
Բաքվում այսօր Արդարադատության նախարարության շենքի մոտ տեղի է ունեցել ընդդիմության բողոքի ակցիա՝ «Ժողովրդական ճակատ» կուսակցության ակտիվիստ Զամին Սալաևին կալանքից ազատելու պահանջով, գրում են տեղական լրատվամիջոցները։
Ցուցարարները վանկարկել են՝ «Ազատություն Զամին Սալաևին», «Ազատություն քաղբանտարկյալներին»:
Ոստիկանները թույլ չեն տվել ակցիայի մասնակիցներին մոտենալ շենքին և սկսել են ուժի կիրառմամբ նրանց ձերբակալել։ Ընդդիմադիր «Ժողովրդական ճակատ» կուսակցության հաղորդմամբ՝ Յասամալի շրջանի ոստիկանության բաժին է տարվել ավելի քան 50 մարդ։
Համացանցում տարածվել են կադրեր, թե ինչպես են ոստիկաններն ուժի կիրառմամբ հեռացնում ցուցարարներին։
ՆԳՆ-ից պաշտոնապես հերքել են ցուցարարների ձերբակալությունների փաստը։
Զամին Սալաևը ձերբակալվել է փետրվարի 7-ին՝ խուլիգանության մեղադրանքով։ Նա հերքում է մեղադրանքները և մեկուսարանում հացադուլ է հայտարարել, որն արդեն շարունակվում է 52 օր։
Էմմա Չոբանյան
