15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
ՌԴ ԱԴԾ-ն հայտնել է Եկատերինբուրգում ԱՄՆ-ից Wall Street Journal-ի թղթակցին ձերբակալության մասին
Քաղաքականություն
30.03.2023 | 14:08
Ռուսաստանի Անվտանգության դաշնային ծառայությունը հաստատել է, որ Եկատերինբուրգում ձերբակալվել է The Wall Street Journal-ի թղթակից Էվան Գերշկովիչը՝ լրտեսության կասկածանքով, փոխանցում է BBC-ի ռուսական ծառայությունը։
Հինգշաբթի առավոտյան Եկատերինբուրգի մի քանի պարբերականներ հայտնել են, որ Էվան Գերշկովիչը քաղաք կատարած այցից հետո դադարել է կապի դուրս գալ իր խմբագրության հետ՝ ենթադրություն հայտնելով, որ լրագրողը, հնարավոր է, ձերբակալվել է ռուսական անվտանգության ծառայությունների կողմից:
«ՌԴ Անվտանգության դաշնային ծառայության կողմից կանխվել է ՌԴ ԱԳՆ-ի կողմից հավատարմագրված ամերիկյան The Wall Street Journal թերթի մոսկովյան բյուրոյի թղթակից, ԱՄՆ քաղաքացի, 1991 թվականին ծնված Էվան Գերշկովիչի ապօրինի գործունեությունը, որը մեղադրվում է ԱՄՆ կառավարության օգտին լրտեսության մեջ»,- ասված է ԱԴԾ մամլո հաղորդագրության մեջ։
Գերատեսչությունը պնդում է, որ թղթակիցը, գործելով ամերիկյան կողմի հանձնարարությամբ, իրականացրել է պետական գաղտնիք հանդիսացող տեղեկությունների հավաքագրում ՌԴ ռազմական ադրյունաբերության համակարգի ձեռնարկություններից մեկի գործունեության վերաբերյալ։
«Գաղտնի տեղեկատվություն ստանալու փորձի ժամանակ Եկատերինբուրգում մի օտարերկրացի է բերման ենթարկել»,- ասվում է հաղորդագրության մեջ։
Տաթև Ֆռանգյան
