02.07.2026 | 23:29
Կալանավորվել է գնդապետ Էդիկ Մալոյանը
«Խուճուճ հաշվարկներ» են եղել. Արարատ Միրզոյանը՝ 54 մլն դրամի հետքերով
22.06.2018 | 23:00
Նախկին իշխանությունները բազմաթիվ հարցերում զլացել են եւ ունեցել են պրակտիկա՝ չանել բաներ, որոնք պետք է անեին: Այս մասին այսօր` հունիսի 22-ին «Ազատություն» ռադիոկայանի ֆեյսբուքյան ասուլիսի ժամանակ ասել է առաջին փոխվարչապետ Արարատ Միրզոյանը` անդրադառնալով կառավարական առանձնատների ջրի պարտքի մասին հայտարարություններին:
«Ես կարծում եմ, որ «խուճուճ հաշվարկներ» են եղել, եւ վարչապետը ներկայացրել է այն թիվը, որը վրիպակ է եղել: Այո, նախկինում կուտակված պարտքեր կան, այս պահին ճշտվում են տվյալները: Նախկին իշխանությունների հասցեին թող չարախոսություն չլինի, բայց, այնուամենայնիվ, ակնհայտ է, որ բազմաթիվ հարցերում զլացել են եւ ունեցել են պրակտիկա՝ չանել բաներ, որոնք պետք է անեին: Սակայն անմեղության կանխավարկածը չխախտեմ, գուցե ինչ-որ տեխնիկական խնդիրներ են»,- ասել է Միրզոյանը:
Հիշեցնենք, որ Factor.am-ի հետ զրույցում վարչապետի մամուլի խոսնակը նշել էր, որ կատարվածը բացթողում է և այլևս չի կրկնվի:
