08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ջո Բայդենը Նեթանյահուին կոչ է արել հրաժարվել դատական բարեփոխումներից․ Իսրայելի վարչապետը շտապել է պատասխանել
Քաղաքականություն
29.03.2023 | 22:23
ԱՄՆ նախագահ Ջո Բայդենն Իսրայելի վարչապետ Բենիամին Նեթանյահուին կոչ է արել հրաժարվել դատաիրավական բարեփոխումների գաղափարից, որը հանգեցրել է երկրում զանգվածային բողոքի ցույցերի։ Բայդենի այս հայտարարությունը դրդել է Իսրայելի առաջնորդին հայտարարել, որ ինքը որոշումներ չի կայացնում դրսի ճնշմամբ, գրում է VOA-ն։
Նեթանյահուն հետաձգել է դատական համակարգի բարեփոխումն այն բանից հետո, երբ մեծ թվով մարդիկ դուրս են եկել փողոցներ՝ ի նշան բողոքի։ Սպիտակ տան առաջին արձագանքը եղել է Նեթանյահուին ուղղված կոչը՝ այս հարցում փոխզիջում փնտրել։
Այնուամենայնիվ, երեքշաբթի պատասխանելով լրագրողների հարցերին՝ Բայդենն ավելի հեռուն է գնացել։
«Հուսով եմ, որ նա կհրաժարվի դրանից», – ասել է Բայդենը՝ նկատի ունենալով բարեփոխումները, որոնք կուժեղացնեն Իսրայելի կառավարության վերահսկողությունը երկրի Գերագույն դատարանի անդամների նշանակման վրա:
Նեթանյահուն շտապել է պատասխանել Սպիտակ տան ղեկավարին։
«Իսրայելն ինքնիշխան երկիր է, որը որոշումներ է կայացնում՝ հիմնվելով իր ժողովրդի կամքի վրա, այլ ոչ թե դրսի ճնշման, նույնիսկ եթե դա գալիս է լավագույն ընկերներից»,- ասել է պաշտոնյան։
Տաթև Ֆռանգյան
