08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Էրդողանը հայտնել է Աքքույու ատոմակայանում միջուկային վառելիքի առաջին բեռնման օրը
Քաղաքականություն
29.03.2023 | 22:46
Թուրքիայի Հանրապետության 100-ամյակին երկիրը նպատակադրված է նոր նվաճումների։ Այս մասին հայտարարել է Թուրքիայի նախագահ Ռեջեփ Թայիփ Էրդողանը իշխող «Արդարություն և զարգացում» կուսակցության խորհրդարանական խմբակցության հետ հանդիպմանը, գրում է Անադոլու գործակալությունը։
Նրա խոսքով՝ վերջին տարիներին Թուրքիայի հաջողության և տեխնոլոգիական առաջընթացի վառ օրինակը հայրենական TOGG էլեկտրական մեքենան է։ Էրդողանն ասել է, որ ապրիլի 3-ին Թուրքիայի նախագահի աշխատակազմը կստանա հայրենական արտադրության առաջին էլեկտրական մեքենան ու հավելել, որ ապրիլին Թուրքիայում կհայտարարվի պաշտպանական արդյունաբերության բազմաթիվ խոշոր նախագծերի մասին։
Թուրքիայում շահագործման կհանձնվեն ռազմածովային նավատորմի դրոշակակիրը՝ Anadolu դեսանտային նավը, ինչպես նաև Hürjet ինքնաթիռը։
Էրդողանը նաև հայտնել է, որ որ կառուցվող «Աքքույու» ԱԷԿ-ում ապրիլի 27-ին միջուկային վառելիք կբեռնվի։ Այսպիսով, ատոմակայանը պաշտոնապես կներառվի միջուկային օբյեկտների ցանկում։
Մեկ այլ կարևոր իրադարձություն էլ, ըստ Էրդողանի, Ֆիլոս շրջանում գազի բաշխման օբյեկտի բացումն է, որը թույլ կտա սկսել գազի մատակարարումը Սև ծովի թուրքական հատվածում գտնվող Սաքարյա հանքավայրից։
Էմմա Չոբանյան
