14.12.2025 | 11:32
ՃՏՊ Սիսիան-Երևան ավտոճանապարհի․ կա տուժած
ԱՆ-ում քննարկվել է մանկական նյարդաբանության և նյարդավիրաբուժության ոլորտում առկա իրավիճակը
28.03.2023 | 22:49
Մանկական նյարդաբանության և նյարդավիրաբուժության ոլորտում առկա իրավիճակը, փոփոխություններն ու զարգացումները քննարկվել են առողջապահության նախարար Անահիտ Ավանեսյանի գլխավորությամբ բժշկական կենտրոնների ղեկավարների և մասնագետների հետ հանդիպմանը, որին ներկա էր նաև Սանկտ Պետերբուրգի Պոլենովի անվան նյարդավիրաբուժության ինստիտուտի մանկական ծառայության ղեկավար, դոկտոր, պրոֆեսոր Վիլյամ Խաչատրյանը: Այս մասին տեղեկանում ենք ԱՆ մամուլի ծառայությունից։
Հանդիպման ընթացքում նախանշվել է աշխատանքային քարտեզ, որի տրամաբանությամբ էլ պետք է զարգացնել ոլորտի առաջընթացը: Մանկական նյարդաբանական հիվանդությունների հայտնաբերումից մինչև բուժումը, հսկողության գործընթացը կդիտարկվի որպես ամբողջական շղթա, իսկ հատուկ հարթակների միջոցով հնարավոր կլինի ուժեղացնել հիվանդանոցների միջև համագործակցությունը:
Հանդիպման ավարտին նախարար Անահիտ Ավանեսյանը մանկական նյարդավիրաբուժության ծառայության զարգացման գործում մեծ ներդրումների, երկար տարիների բեղմնավոր համագործակցության համար Սանկտ Պետերբուրգի Պոլենովի անվան նյարդավիրաբուժության ինստիտուտի մանկական ծառայության ղեկավար, դոկտոր, պրոֆեսոր Վիլյամ Խաչատրյանին պատվոգիր է շնորհել:
