Քիչ առաջ տեղեկություն տարածվեց, որ ԱԱԾ-ն գործողություն է իրականացնում Երևանի քաղաքապետ Տարոն Մարգարյանի առանձնատանը:
Factor.am-ի նկարահանող խումբն այս պահին հերթապահություն է իրականացնում այնտեղ, սակայն մինչ այդ փորձեցինք ճշտել տեղեկությունը ԱԱԾ-ի մամուլի խոսնակ Սամսոն Գալստյանից։ Նա մեր հարցին ի պատասխան նշեց, որ ինքը ոչ հերքում է և ոչ էլ հաստատում Տարոն Մարգարյանի առանձնատանն իրականացվող գործողությունների մասին տեղեկատվությունը, այս պահին, սակայն, այդ կապակցությամբ լրատվամիջոցներին հավելյալ տեղեկություններ չի կարող հայտնել։
Սամսոն Գալստյանը փոխանցեց․ «Երևանի քաղաքապետարանի ենթակայությամբ գործող «Երևան» հիմնադրամի չարաշահումների գործով նախաքննությունը շարունակվում է, հավելյալ մանրամասներ կներկայացվեն ավելի ուշ»:
