14.09.2026 | 22:01
Հայաստանի մի շարք հասցեներում էլեկտրաէներգիայի անջատումներ կլինեն
Ասֆալտապատում փոսաջրերի մեջ․ քաղաքապետարանն անձրևաջրերով լվանում է պետական միջոցները
Տնտեսություն
22.06.2018 | 19:05
Մինչ նոր իշխանություններն անզիջում պայքար են մղում կոռուպցիայի և պետական միջոցների մսխման դեմ և թվում է, թե այս փուլում պատասխանատու օղակները պետք է հնարավորինս սրտացավորեն կատարեն իրենց աշխատանքները, որոշ կառույցներ, բառիս ուղիղ իմաստով, անձրևի ջրով լվանում են պետական միջոցները։
Մասնավորապես մեր տեսախցիկը ֆիքսել է, թե ինչպես են օրերս Քանաքեռ-Զեյթուն վարչական շրջանի Դրոյի փողոցում ասֆալտապատում իրականացնում անձրևաջրերով լի փոսերում։ Ըստ «Հանրային քաղաքականության հետազոտությունների ազգային կենտրոն» հասարակական կազմակերպության ուսումնասիրության Երևանում 2018 թվականին ասֆալտապատում իրականացնելու համար հատկացվել է 70 միլիոն դրամ, իսկ ընդհանուր փողոցների, մայթերի վերանորոգման, սալիկապատման համար հատակցվել է շուրջ 3 միլիարդ դրամ։
Այս գումարները, ստացում է, ծախսվում են ոչ արդյունավետ կերպով։ Ի դեպ, Էջմիածնի հրաժարական ներկայացրած քաղաքապետն օրեր առաջ տեղի ունեցած ասուլիսում հայտարարել էր, որ ինքը չի իմացել, թե ինչպես է պետք ասֆալտապատում իրականացնել, իր կողքին համապատասխան մասնագետ չի ունեցել:
Հուսանք, որ Երևանի քաղաքապետն իր կողքին ունի ասֆալատապատման աշխատանքներ իրականացնող մասնագետներ, որոնք նրան կհուշեն, որ ջրափոսերի մեջ ասֆալտ լցնելը, մեղմ ասած արդյունավետ չէ և չի կարող երկար ծառայել։
Մանրամասները՝ տեսանյութում։
