Գիշերը կրակոցներ են լսվել. ինչ իրավիճակ է ադրբեջանական սադրանքներից հետո․ ՏԵՍԱՆՅՈւԹ

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Շաբաթ օրը Շուշի-Լիսագոր հատվածում ադրբեջանական կողմը խախտել է նոյեմբերի 9-ի փաստաթղթով ամրագրված շփման գիծը և որոշակի դիրքային առաջխաղացում ապահովել Արցախի Հանրապետության տարածքում։ Արդյունքում թշնամական կողմն ամբողջությամբ վերահսկում է Ստեփանակերտ-Լիսագոր գրունտային ճանապարհը, որը միջանցքի փակվելուց հետո Շուշիի շրջանի Հին Շեն և Նոր Շեն համայնքների համար կենսական նշանակություն ուներ։

Այսօր առավոտյան էլ նոր միջադեպ է գրանցվել․ ադրբեջանական կողմը փորձել է առաջ շարժվել Ստեփանակերտ-Լիսագոր գրունտային ճանապարհի հարակից բարձունքներից մեկի ուղղությամբ, ինչը կանխվել է Արցախի բանակի կողմից։

Շուշիի շրջանի Լիսագոր համայնքի ղեկավար Գագիկ Նասիբյանի խոսքով՝ ադրբեջանական վերջին գործողություններից հետո անհանգստություն կա։

Լիսագորն ամբողջությամբ թշնամու նշանառության տակ է դեռ 2020 թվականի պատերազմից հետո։ Հիմա լիսագորցիները մտածում են՝ ինչ կարող է իրենց հետ պատահել, եթե ադրբեջանցիները վերահսկում են նաև դժվարանցանելի, բայց կենսական նշանակության ավտոճանապարհը։ Գիշերը Լիսագորում նաև կրակոցներ են լսել։

Կեսօրին ադրբեջանական կողմը մարտական դիրքերից նաև կրակել է նռան այգում աշխատող խաղաղ բնակիչների վրա։ Արցախի տեղեկատվական շտաբը հայտնում է, որ դեպքը տեղի է ունեցել Մարտակերտում։ Թշնամու արձակած անկանոն կրակոցների հետևանքով տուժածներ չկան։

Այսօր և նախօրեին Արցախում տեղի ունեցած միջադեպերի մասին տեղեկությունները փոխանցվել են անվտանգության երաշխավոր համարվող ռուս խաղաղապահներին, սակայն արդյունքներ դեռ չկան։ Ստեփանակերտը հայտնում է, որ ռուսական կողմը բանակցում է ադրբեջանական կողմի հետ, որ վերադառնան ելման դիրքեր։ Չնայած ռուս խաղաղապահներին չի հաջողվում լարվածությունը թուլացնել, Երևանում իշխանական թևից հայտարարում են, որ Արցախը Ռուսաստանի պատասխանատվության ներքո է։

Դիտարկմանը, որ ռուսական կողմն արդեն երեք ամիս է՝ չի կարողանում կամ չի ուզում բացել Լաչինի միջանցքը, ՔՊ-ական պատգամավորն ասում է՝ ադրբեջանական կողմն իրեն սանձարձակ է պահում։

Այն, ինչ այժմ տեղի է ունենում Արցախում, ըստ «Հայաստան» խմբակցության պատգամավոր Գեղամ Մանուկյանի, նաև հայկական կողմի մեղավորությունն է։

Պաշտոնական Երևանը դեռ չի արձագանքել Արցախում հանգստյան օրերին տեղի ունեցած միջադեպերին։ Ընդդիմադիր պատգամավորն ուշադրություն է հրավիրում այն փաստին, որ Ադրբեջանը ռազմական հանցագործություններն իրականացնում է Նիկոլ Փաշինյանի՝ խաղաղության դարաշրջան բացելու հայտարարությունների ֆոնին։

Ստեփանակերտ-Լիսագոր ավտոճանապարհին ու հարակից բարձունքում տեղի ունեցած միջադեպերից ուղիղ մեկ տարի առաջ այս օրերին ադրբեջանական կողմը ներխուժեց Քարագլուխ բարձունք, գրավեց Փառուխ գյուղը, իսկ Խրամորթը, Իվանյանը և Ասկերանը հայտնվեցին նրանց նշանառության տակ։ Հայկական կողմն ունեցավ զոհեր, խրամորթցիներից շատերն այդպես էլ չվերադարձան իրենց տներ։ 2022-ին նույն սցենարով ադրբեջանական կողմը գրավեց նաև Եղցահող գյուղի հարակից բարձունքը՝ չնայած այս տարածքները գտնվում են ռուսական խաղաղապահ առաքելության վերահսկողության ներքո։

Մանրամասները՝ տեսանյութում։

Նարեկ Կիրակոսյան