14.01.2025 | 16:26
Ոստիկանները բացահայտել են հանցագործության 321 դեպք
Հռոմի ստատուտի վավերացումը կրակի վրա յուղ լցնել է․ Գեղամ Մանուկյան․ ՏԵՍԱՆՅՈւԹ
Քաղաքականություն
27.03.2023 | 20:51
«Հռոմի ստատուտի վավերացումը կրակի վրա յուղ լցնել է»,-Factor.am-ի հետ զրույցում նման կարծիք հայտնեց «Հայաստան» խմբակցության պատգամավոր Գեղամ Մանուկյանը։
Մինչ իշխող ուժից չեն հստակեցնում, թե արդյոք պատրաստվում են վավերացնել Ռուսաստանի նախագահին ձերբակալելու հրաման տված Միջազգային քրեական դատարանի Հռոմի կանոնադրությունը, ընդդիմությունից շարունակում են քննադատել՝ պնդելով, թե իշխանությունները լարում են առանց այդ էլ ճգնաժամում գտնվող ռուս-հայկական հարաբերությունները։
«Առնվազն այս մթնոլորտում ամբողջական լեգիտիմ հնարավորություն ուներ Հայաստանը այդ հարցը ընդհանրապես չարծարծելու», – ասում է «Հայաստան» խմբակցության պատգամավոր Գեղամ Մանուկյանը՝ հավելելով, որ եթե Հայաստանը ստորագրի էլ, դա որևէ կերպ չի ազդելու, որ Հաագայի դատարանի որոշումը Ադրբեջանի համար պարտադիր լինի, քանի որ Ադրբեջանը դրան չի միացել։։
Մանուկյանն ընդգծեց, որ ստեղծված իրավիճակը «կրակի վրա յուղ լցնել» է։
Մյուս կողմից՝ ընդդիմադիր պատգամավորը կասկածի տակ է դնում Սահմանադրական դատարանի որոշումը։
Նշենք, որ բարձր դատարանն անցած շաբաթվա վերջին որոշեց՝ Հռոմի կանոնադրությունը համապատասխանում է Սահմանադրությանը։ Մինչդեռ 2004-ին։ Սահմանադրական դատարանը որոշել էր, որ փաստաթղթով ամրագրված որոշ պարտավորություններ չեն համապատասխանում Հայաստանի մայր օրենքին։
Հավելենք, որ միջազգային իրավունքի մասնագետները պնդում են՝ եթե Հայաստանը միանա Հռոմի կանոնադրությանը, ապա Երևան ժամանելու դեպքում Վլադիմիր Պուտինը պետք է ձերբակալվի։
Մանրամասները՝ տեսանյութում։
