06.06.2026 | 17:19
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Պատերազմի մեկնարկից ի վեր մի քանի տասնյակ ռուս առաջատար գիտնականներ լքել են ՌԴ-ն
Քաղաքականություն
27.03.2023 | 22:51
Առնվազն 28 ականավոր գիտնականներ և առաջատար բուհերի դասախոսներ լքել են Ռուսաստանը Ուկրաինայի դեմ պատերազմի սկզբից ի վեր։ Նման թվեր է հապարակել «Նախագիծ» հրատարակությունը։ Այդ տվյալների համաձայն՝ նրանց թվում կան համաշխարհային ճանաչում ունեցող մասնագետներ։ Ընդ որում, հեռացած գիտնականների ընդհանուր թիվը, հավանաբար, շատ ավելին է, գրում է DW-ի ռուսական ծառայությունը։
Միայն ԱՄՆ-ում հիմնադրված Scholars at Risk կազմակերպությունը ՌԴ-ից դուրս է բերել 200 մարդու։ Հրատարակությունը գրում է, որ ևս 62 գիտաշխատողի ՌԴ-ից հեռանալ օգնել է գերմանական Ալեքսանդր ֆոն Համբոլդտի անվան հիմնադրամը։
Լրագրողների տեղեկությունների համաձայն՝ տեղափոխման կարիք ունեցող գիտնականների համար նախատեսված տելեգրամյան ալիքներում ավելի քան 6,000 մարդ կա գրանցված։
«Ամբողջ գիտական ճյուղերը կանգ են առել, հետազոտություններ պարզապես չեն իրականացվում: Մենք տարիներով հետ ենք շպրտվել»,- հայտարարել է աստղաֆիզիկոս, Ռուսաստանի գիտությունների ակադեմիայի պրոֆեսոր Սերգեյ Պոպովը:
Շատերը մեկնելուց առաջ բաց նամակ են ստորագրել՝ դատապարտելով պատերազմը։
Տաթև Ֆռանգյան
