16.01.2026 | 16:09
Սոցփաթեթի գումարները կանխիկացնելու նոր տարբերակներ կգործեն․ ՏԵՍԱՆՅՈՒԹ
Ալիևն իր ընտանեկան բիզնեսի աշխատակցին նշանակել է պաշտպանական արդյունաբերության փոխնախարար
Քաղաքականություն
27.03.2023 | 23:03
Ադրբեջանի նախագահ Իլհամ Ալիևը շարունակում է ընտանեկան բիզնեսի աշխատակիցներին նշանակել պետական պաշտոններում, այդ թվում՝ ռազմական ոլորտին առնչվող։ Ադրբեջանական լրատվականների հաղորդմամբ՝ Ալիևի մարտի 15-ի հրամանով Վուգար Մուսթաֆաևը նշանակվել է Ադրբեջանի պաշտպանական արդյունաբերության փոխնախարար։
36-ամյա Մուսթաֆաևը ֆինանսական վերահսկողության ոլորտի մասնագետ է։ 2014 թվականից զբաղեցրել է տարբեր ղեկավար պաշտոններ Ալիևներին պատկանող PASHA Holding-ում և հարակից ընկերություններում։ 2014 թվականին նշանակվել է հոլդինգի գործադիր տնօրենի խորհրդական, PAŞA Sığorta և PAŞA Həyat Sığorta ապահովագրական ընկերությունների վերստուգիչ հանձնաժողովի նախագահ։
2021 թվականին նա նշանակվել է Թուրքիայում PASHA Holding ներկայացուցչության ղեկավար, ինչպես նաև PDT և Gayrımenkul A.Ş. ստամբուլյան ընկերությունների հսկիչ խորհրդի նախագահ։
Հավելենք, որ PASHA Holding-ն Ադրբեջանի առաջին տիկին, փոխնախագահ Մեհրիբան Ալիևայի հոր՝ Արիֆ Փաշաևի սեփականությունն է, բաժնեմասեր ունեն նաև նախագահ Ալիևի դուստրերը՝ Լեյլա և Արզու Ալիևաները։ 2013 թվականից Արիֆ Փաշաևը հոլդինգի կառավարումը փոխանցել է Լեյլա և Արզու Ալիևաներին։
Հիշեցնենք, որ ամիսներ առաջ էլ այս հոլդինգի մեկ այլ աշխատակցի՝ Ագիլ Գուրբանովին Ալիևը նշանակել էր պաշտպանության փոխնախարար։
Էմմա Չոբանյան
