03.01.2026 | 23:46
Վարչապետը ներկա է եղել «Ֆեստիվառ» երաժշտական զբոսաշրջային փառատոնին
ԱԱԾ գործողությունները Առաքել Մովսիսյանի դեպքում իրավական հետևանք կունենա՞ն. ԵզրաԿԱՑՈՒԹՅՈՒՆ
Հաղորդաշարեր
22.06.2018 | 16:44
Կառավարության՝ հունիսի 18-ի արտահերթ նիստից հետո ԱԱԾ տնօրեն Արթուր Վանեցյանը լրագրողներին ասաց, որ իրենց կառույցը ոչ մի տեղ հենց այնպես ստուգման չի գնում և եթե որևէ տեղ գնում է, ուրեմն անպայման լինելու են իրավական հետևանքներ. «Ուզում եմ շեշտեմ և ասեմ, որ բոլորն էլ իմանան. ԱԱԾ-ն ռեպրեսիվ մարմին չէ, ռեպրեսիաներով չի զբաղվում, և ես թույլ էլ չեմ տա: Ոչ մեկի տանն էլ ԱԱԾ-ն չի լինելու, եթե դրա համար չլինեն հստակ, ստույգ տվյալներ: Մենք երբևիցե չենք գնում ինչ-որ մի տեղ ձևական, մենք գնում ենք հստակ ունենալով օպերատիվ տվյալներ և հստակ իմանալով մեր անելիքը»:
Վանեցյանի այս հայտարարությունից հետո ԱԱԾ-ի առաջին քննությունը եղավ ՀՀԿ-ական նախկին պատգամավոր Առաքել Մովսիսյանի տանը, որը հունիսի 21-ին խուզարկությունից հետո՝ Մովսիսյանին բերման ենթարկեց, ժամեր անց՝ ազատ արձակեց:
ԱԱԾ տնօրենի հստակ հայտարարությունից հետո շատերն էին սպասում, որ այդ կառույցը որտեղ իրականացնում է հատուկ գործողություն, աղաղակող բան է բացահայտվելու: Բայց Առաքել Մովսիսյանի դեպքում դա այդպես չեղավ։
