14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ԱՄՆ-ում ԱԷԿ-ից ռադիոակտիվ ջրի արտահոսք է գրանցվել
Քաղաքականություն
24.03.2023 | 19:13
Մարտի 22-ին ռադիոակտիվ ջրի նոր արտահոսք է տեղի ունեցել ԱՄՆ Մինեսոտա նահանգի Մոնտիչելլո ատոմակայանում։ Կայանը փակվել է վերանորոգման համար։ Այս մասին հայտարարել է Xcel Energy ընկերությունը, որը կառավարում է ատոմակայանը։
Նոր արտահոսքի պատճառով մի քանի հարյուր լիտր ջուր է թափվել, որը պարունակում է տրիտում՝ ջրածնի ռադիոակտիվ իզոտոպ: Ընկերությունից վստահեցրել են, որ արտակարգ պատահարը վտանգ չի ներկայացնում մարդկանց առողջության և շրջակա միջավայրի համար, գրում է Korrespondent-ը։
«Թեև արտահոսքը դեռևս վտանգ չի ներկայացնում հանրության կամ շրջակա միջավայրի համար, մենք որոշել ենք, որ գործողությունների լավագույն տարբերակը կլինի էլեկտրակայանի փակումը և անհապաղ երկարաժամկետ վերանորոգման իրականացումը»,- ասվում է հայտարարության մեջ:
Նշվում է, որ մասնագետներն այսօրվանից կսկսեն ատոմակայանն անջատել ցանցից։
Հավելենք, որ սա ռադիոկատիվ ջրի արտահոսքի երկրորդ դեպքն է․ ավելի քան 1,5 միլիոն լիտր տրիտում պարունակող ջուր էր արտահոսել Մոնտիչելլո ատոմակայանից 2022 թվականի նոյեմբերին, սակայն տեղեկատվությունը հրապարակվել է միայն մարտի 16-ին։
Xcel Energy-ն հայտնել է, որ արտահոսքերը տեղայնացվել են, և ռադիոակտիվ ջուր խմելու ջրի հետ չի խառնվել:
Տաթև Ֆռանգյան
