08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Կիևում հայտնել են Մեդվեդչուկի կնոջ՝ 12 միլիոն դոլար արժողությամբ ունեցվածքի կալանքի մասին
Քաղաքականություն
24.03.2023 | 20:18
Ընտանիքի հետ Ռուսաստանում գտնվող ուկրաինացի ռուսամետ քաղաքական գործիչ Վիկտոր Մեդվեդչուկի կնոջ՝ հեռուստահաղորդավարուհի Օքսանա Մարչենկոյի 12 միլիոն դոլար արժողությամբ «թաքնված ակտիվները» կալանվել են։ Այս մասին հայտնում է Ուկրաինայի Անվտանգության ծառայությունը, փոխանցում է BBC-ի ռուսական ծառայությունը:
Ուկրաինայում Օքսանա Մարչենկոյին կասկածում են ռուսական օկուպացիոն խմբերին ֆինանսավորելու մեջ։
Դատարանի որոշումը վերաբերում է Զապորոժիեում «Ա․Մ․Կուզմինի անվան Դնեպրոսպեցստալ Էլեկտրամետաղագործական գործարան» ԲԲԸ ակցիաների 6,8%-ին, որոնք Մարչենկոն ղեկավարում է երեք օֆշորային ընկերությունների միջոցով, պնդում են Անվտանգության ծառայությունից։ Այս ձեռնարկությունը մասնագիտացած է մոտ 1000 տեսակի պողպատի և մետաղական արտադրանքի արդյունաբերական արտադրության մեջ։
Փետրվարի վերջին Անվտանգության ծառայությունը հայտնել էր Մեդվեդչուկի կնոջ՝ ավելի քան 153 մլն դոլարի ունեցվածքի կալանքի մասին։
Ներկայում հետաքննությունը շարունակվում է Իվանո-Ֆրանկովսկի մարզում՝ շրջանային դատախազության հետ համատեղ։
Տաթև Ֆռանգյան
