13.12.2025 | 22:20
Ֆրանսիան հաղթեց «Մանկական Եվրատեսիլ»-ում
Պուտինին ձերբակալելու օրդերը կարևոր նախադեպ է, որ պատերազմով սպառնացող Ալիևի դեմ հայց ներկայացնենք. Սամվել Մելիքսեթյան․ ՏԵՍԱՆՅՈՒԹ
Քաղաքականություն
24.03.2023 | 21:02
ՀՀ ՍԴ-ն այսօր հրապարակեց Միջազգային քրեական դատարանի Հռոմի կանոնադրությունում ամրագրված պարտավորությունների՝ Սահմանադրությանը համապատասխանության հարցի վերաբերյալ որոշումը։ Ստատուտով վերցված պարտավորությունները ՀՀ Սահմանադրությանը համապատասխանում են։ Որոշումը վերջնական է և ուժի մեջ է մտնում հրապարակման պահից։
Factor TV-ին տված հարցազրույցում քաղաքագետ Սամվել Մելիքսեթյանն ասում է, որ Հայաստանը պետք է ՍԴ այս որոշումից հետո նաև վավերացնի Հռոմի ստատուտը։
«Ադրբեջանը սպառնում է, ռազմական հանցագործություններ է կատարում, և Հայաստանը պետք է Միջազգային քրեական դատարան դիմի՝ մինչ այդ վավերացնելով Հռոմի ստատուտը։ Այդպիսով, նաև Հայաստանին և Արցախին պատերազմով սպառնացող Ալիևի դեմ հայց կկարողանանք ներկայացնել։ Այդ իմաստով՝ Պուտինին ձերբակալելու օրդերը կարևոր նախադեպ է»,- ասաց Սամվել Մելիքսեթյանը։
Հարցազրույցն ամբողջությամբ՝ տեսանյութում։
Ռոբերտ Անանյան
