15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Մեծ Բրիտանիայի թագավորը հետաձգել է պետական այցը Ֆրանսիա՝ բողոքի ակցիաների պատճառով
Քաղաքականություն
24.03.2023 | 22:39
Մեծ Բրիտանիայի թագավոր Չարլզ III-ի առաջին պետական այցը Ֆրանսիա, որը պետք է սկսվեր կիրակի, որոշվել է հետաձգել, քանի որ երկրում շարունակվում են զանգվածային բողոքի ցույցերը՝ ընդդեմ կենսաթոշակային տարիքի բարձրացման, փոխանցում է BBC-ի ռուսական ծառայությունը։
Այցի հետաձգման մասին պաշտոնապես հայտնել է Ելիսեյան պալատը, թեև Ֆրանսիայի իշխանությունների նախօրեին վստահեցրել էին, որ միապետի անվտանգության հետ կապված մտահոգություններ չկան, և ճամփորդությունը տեղի կունենա հաստատված պլանի համաձայն։
Այցը պետք է տևեր երեք օր և ավարտվեր երեքշաբթի՝ Վերսալի պալատում Չարլզ թագավորի և նախագահ Էմանուել Մակրոնի համատեղ ընթրիքով։ Սակայն հենց այդ օրը Ֆրանսիայի արհմիությունները ևս մեկ ազգային ցույց են նախատեսել։
Նշենք, որ տարեսկզբից սա կլինի տասներորդ զանգվածային բողոքի ցույցը։
Չարլզ III-ի այցի նոր ամսաթիվը դեռևս չի հայտարարվել, սակայն Մակրոնն արդեն հավաստիացրել է, որ հանդիպումը տեղի կունենա հնարավորինս շուտ, «որպեսզի Նորին մեծությունն ընդունվի բարեկամական հարաբերություններին ավելի համապատասխան պայմաններում»։
Տաթև Ֆռանգյան
