11.04.2026 | 17:22
Ավոտբուսներով քաղաքացիներ են բերվում «Ուժեղ Հայաստանի» հանրահավաքին մասնակցելու․ ՏԵՍԱՆՅՈւԹ
Ռուսաստանը ռազմաճակատ է ուղարկում խորհրդային T-54 և T-55 հին տանկերը
Քաղաքականություն
22.03.2023 | 22:29
ՌԴ-ի Հեռավոր Արևելքի բազայից դուրս են բերվում խորհրդային T-54 և T-55 տանկերը։ Այս մասին հայտնում են Conflict Intelligence Team (CIT) վերլուծաբանները, որոնց տրամադրության տակ են հայտնվել ռազմական տեխնիկա տեղափոխող շարասյան լուսանկարները, գրում է Meduza-ն։
CIT-ի տեղեկություններով՝ սարքավորումներով շարասյունը վերջերս մեկնել է Պրիմորսկի երկրամասի Արսենև քաղաքից, որտեղ տեղակայված է 1295-րդ կենտրոնական տանկային ռեզերևը և պահեստային բազան։ Լուսանկարներում վերլուծաբանները հայտնաբերել են T-54/55 ընտանիքի խորհրդային միջին տանկեր։ Նույն շարասյան մեջ են եղել և՛ T-54 տանկերը, և՛ տանկեր, որոնք կարող են լինել ավելի ուշ արտադրության՝ T-54 կամ T-55:
Նախկինում CIT-ն արդեն հայտնել էր այս բազայից ռազմական տեխնիկայի դուրսբերման մասին՝ այնտեղից ուղարկվել են T-62M (B) տանկեր, այնուհետև դրանք օգտագործվել են Ուկրաինայի դեմ պատերազմում։ Վերլուծաբանները նշում են, որ T-54/55-երը պահեստից հանելն առաջին անգամ են արձանագրել։ Արբանյակային լուսանկարներով հաստատվել է, որ 2022 թվականի հունիսից նոյեմբեր Արսենևի բազան լքել է առնվազն 191 տանկ, հավանաբար՝ հիմնականում T-62: Իրականում նրանց թիվը կարող է շատ ավելի մեծ լինել։
Սրանք հին խորհրդային տանկեր են, որոնք 1946 և 1958 թվականներին են զինանոց ընդունվել։
Էմմա Չոբանյան
