06.06.2026 | 11:03
ՄԱԿ-ի Գլխավոր ասամբլեան միաձայն ընդունել է Հայաստանի ներկայացրած «Կրթություն հանուն խաղաղության» բանաձևը
Հայտնի է ՔՊ ՄԻՊ թեկնածուի անունը
Քաղաքականություն
21.03.2023 | 16:50
Ազգային ժողովի «Քաղաքացիական պայմանագիր» խմբակցության Մարդու իրավունքների պաշտպանի թեկնածուն Անահիտ Մանասյանն է։ Այս մասին տեղեկությունը Factor.am-ի հետ զրույցում հաստատեցին ԱԺ «Քաղաքացիական պայմանագիր» խմբակցությունից։
Մանասյանն այժմ գլխավոր դատախազ Աննա Վարդապետյանի տեղակալն է, իրավաբանական գիտությունների թեկնածու, դոցենտ։
Նշենք, որ երեկ՝ մարտի 20-ին, Factor.am-ը հարցում էր ուղարկել ԱԺ բոլոր խմբակցություններին՝ պարզելու համար, թե մինչև այս պահը ում են առաջարկել որպես ՄԻՊ թեկնածու։
Այս պահի դրությամբ ստացել ենք «Հայաստան» խմբակցության գրավոր պատասխանն այն մասին, որ դեռևս ՄԻՊ թեկանծու չեն ներկայացրել, դեռ քննարկումների փուլում են։
Հայաստանի մարդու իրավունքների պաշտպանի պաշտոնը թափուր է հունվարի 24-ից՝ ՄԻՊ Քրիստիննե Գրիգորյանի հրաժարականից հետո։
Արաքս Մամուլյան
