24.05.2026 | 01:30
«SOAD-ը Երևանու՞մ». Սերժ Թանկյանը հայտարարել է՝ հուլիսին համերգ չի լինի
Նիկոլ Փաշինյանի, Արարատ Միրզոյանի, Սասուն Միքայելյանի և ևս 9 հոգու նկատմամբ հետապնդումը ՀՔԾ-ն դադարեցրել է՝ հանցակազմի բացակայության հիմքով
Հասարակություն
21.06.2018 | 20:33
Ապրիլի 13-22-ը տեղի ունեցած դեպքերի առնչությամբ Հատուկ քննչական ծառայությունում հարուցված քրեական վարույթը կարճվել է։ Այս մասին տեղեկացնում են ՀՔԾ լրատվական ծառայությունից։
Երեւան քաղաքում 2018 ապրիլի 13-ից 22-ը տեղի ունեցած իրադարձությունների փաստի առթիվ ՀՀ հատուկ քննչական ծառայությունում ՀՀ քրեական օրենսգրքի 225-րդ հոդվածի 1-ին, 2-րդ մասերով եւ 2251-րդ հոդվածի 1-ին մասով քննված քրեական գործով 2018թ.-ի ապրիլի 22-ին ձերբակալվել էին ՀՀ ԱԺ պատգամավորներ Նիկոլ Փաշինյանը, Արարատ Միրզոյանն ու Սասուն Միքայելյանը: Քրեական հետապնդում էր իրականացվում նաեւ Դավիթ Սանասարյանի, Արմեն Գրիգորյանի, Լեւոն Բարսեղյանի, Տիգրան Մազմանյանի, Նաիրի Սարգսյանի, Էրիկ Խաչատրյանի, Գեւորգ Մանուկյանի, Գոռ Միրզոյանի եւ Հայկարամ Մնացականյանի նկատմամբ:
2018թ.-ի հունիսի 21-ին ՀՀ հատուկ քննչական ծառայության քննիչի կողմից որոշում է կայացվել քրեական հետապնդումը դադարեցնելու եւ քրեական գործով վարույթը կարճելու մասին՝ վերը նշված անձանց արարքներում հանցակազմի բացակայության հիմքով:
