15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Ինտրիգ փնտրել պետք չէ, քաղաքապետը չի հեռացվել պաշտոնից․ Դավիթ Խաժակյան․ ՏԵՍԱՆՅՈւԹ
Քաղաքականություն
17.03.2023 | 21:49
Երևանի ավագանու «Լույս» խմբակցության անդամ Դավիթ Խաժակյանը հորդորում է ինտրիգ չփնտրել Հրաչյա Սարգսյանի հրաժարականում, քանի որ վերջինս ոչ թե հեռացվել է, այլ ինքնակամ է հեռացել։
«Երբ Մարությանը պիտի հեռանար, կառավարչական շատ բարդ իրավիճակ էր ստեղծվել քաղաքում, և գաղտնիք չէ, որ կար խզում Երևանի քաղաքապետարանի և կառավարության միջև կառավարման իմաստով, և հաշվի առնելով, որ Երևանն իրականացնում է բազմաթիվ ծրագրեր կառավարության ֆինանսավորմամբ, ոչ սինքրոն աշխատանքը կամ անառողջ մթնոլորտը, որը Մարությանի ձեռքով ձևավորվել էր, թույլ չէր տալիս այդ խնդիրները պատշաճ կերպով լուծել։
Այդ ժամանակահատվածում Հրաչյա Սարգսյանը ստանձնեց քաղաքապետի պարտականությունները։ Հիմա իր տեքստով արձանագրեց, որ այդ խզումը վերացված է, և իր առաջ դրված այդ անցումային բարդ շրջանի խնդիրները կարելի է լուծված համարել և հաշվի առնելով, որ սպասվում են ավագանու արտահերթ կամ հերթական ընտրություններ, սպասվող ընտրություններին էստաֆետը փոխանցեց հաջորդ անձին և հիմա քաղաքապետարանը շարունակելու է իր բնականոն աշխատանքը»,- լրագրողների հետ զրույցում նշեց Խաժակյանը։
Մանրամասները՝ տեսանյութում։
Արփի Հակոբյան
