09.09.2026 | 09:44
Հանրապետությունում ավտոճանապարհներն անցանելի են
«Ես առաջխաղացման արժանի եմ, թե՞ ոչ». Մեսրոպ Մակյան․ ՏԵՍԱՆՅՈւԹ
Քաղաքականություն
17.03.2023 | 21:41
Բարձրագույն դատական խորհուրդը դատավորներին կարգապահական պատասխանատվության ենթարկելու 60-70 տոկոս միջնորդությունները մերժում է, հետևաբար՝ հիմնավոր չեն ԲԴԽ-ի հասցեին հնչող քննադատությունները, թե այս մարմինն ավելի շատ դատավորներին կարգապահական պատասխանատվության է ենթարկում, քան նրանց անկախությունը երաշխավորում: Այս մասին այսօր դատավորների ընդհանուր ժողովից հետո լրագրողների հետ զրույցում ասաց ԲԴԽ անդամ Մեսրոպ Մակյանը:
Վերջինս ստորագրել է մի քանի դատավորի լիազորություն դադարեցնելու վերաբերյալ ԲԴԽ-ի որոշումները: Երեկ էլ որոշել է կալանավորել 3-րդ բանակային կորպուսի նախկին հրամանատար, գեներալ-մայոր Գրիգորի Խաչատուրովին, որից հետո Մակյանի հասցեին քննադատություններ են հնչել, թե պաշտոնի առաջխաղացման հավակնություն ունի, որդուն ցանկանում է դատավոր դարձնել, կաշկանդված է ՀՀ-ում հարազատ եղբոր վերաբերյալ քննվող մի քրեական գործով:
«Զանազան ասեկոսեները չեմ ցանկանում մեկնաբանել, չգիտեմ՝ ինչի մասին եք խոսում: Իմ որդին ընդամենը մեկ տարի է աշխատում այս համակարգում, իրավաբան է, իրավունք ունի աշխատելու, չգիտեմ՝ հետագայում ինչ ճանապարհ կընտրի: Ինչ վերաբերում է իր առաջխաղացման մասին խոսակցություններին, Դուք ինձ քանի՞ տարի է՝ ճանաչում եք: Ձեր կարծիքով՝ ես առաջխաղացման արժանի՞ եմ, թե՞ ոչ»,- դիմելով Factotr.am-ի լրագրողին՝ հարցրեց դատավորը:
Մանրամասները՝ տեսանյութում։
Արաքս Մամուլյան
