17.05.2026 | 12:40
ՄԻՊ-ը խիստ մտահոգիչ է համարում «Նուբարաշենի» հոգեբուժարանում արձանագրված ինքնասպանության դեպքը
Չավուշօղլուն վերջին տասնամյակում առաջին անգամ կայցելի Եգիպտոս
Քաղաքականություն
17.03.2023 | 22:40
Թուրքիայի արտաքին գործերի նախարար Մևլութ Չավուշօղլուն մարտի 18-ին կայցելի Եգիպտոս։ Այս մաիսն հայտնել է երկրի ԱԳՆ մամուլի ծառայությունը, գրում է Անադոլու գործակալությունը։
Նշվում է, որ այցը կազմակերպվել է Եգիպտոսի ԱԳ նախարար Սամեհ Շուքրիի հրավերով։ Հանդիպման ընթացքում նախատեսվում է քննարկել երկկողմ հարաբերությունների բոլոր ասպեկտները, կարծիքներ փոխանակել տարածաշրջանային ու միջազգային խնդիրների շուրջ։
Չավուշօղլուն Թուրքիայի առաջին ԱԳ նախարարը կդառնա, որը 11 տարվա ընթացքում առաջին անգամ Եգիպտոս կայցելի։
Անկարայի և Կահիրեի հարաբերությունները վատթարացել են 2013 թվականին՝ Եգիպտոսի նախագահ Մուհամմեդ Մուրսիի տապալումից հետո։ Դրանից հետո երկու երկրները հետ են կանչել իրենց դեսպաններին։ 2021 թվականի մարտին Չավուշօղլուն հայտարարեց Անկարայի և Կահիրեի միջև դիվանագիտական մակարդակով շփումների վերականգնման մասին։
Հավելենք, որ փետրվարի 6-ին Թուրքիայում տեղի ունեցած ավերիչ երկրաշարժերից հետո Եգիպտոսի ԱԳ նախարարը, ի նշան համերաշխության, այցելել էր աղետի գոտի։ Եգիպտոսը Թուրքիային նաև մարդասիրական օգնություն է ուղարկել։
Էմմա Չոբանյան
