25.07.2026 | 19:46
Համբուրգ․ Էլինա Ավանեսյանը պարտվեց կիսաեզրափակիչում. ՏԵՍԱՆՅՈՒԹ
Մենք տեսնում ենք Ադրբեջանի անկեղծ ջանքերը՝ ամրապնդելու ՌԴ-ի հետ կապերը․ Օվերչուկ
Քաղաքականություն
17.03.2023 | 22:54
ՌԴ փոխվարչապետ Ալեքսեյ Օվերչուկն ադրբեջանա-ռուսական սահմանին «Խանոբա» մաքսակետի բացման արարողության ժամանակ հայտարարել է, որ Ադրբեջանն անկեղծ ձգտում է ամրապնդել կապերը Ռուսաստանի հետ, գրում են ադրբեջանական լրատվականները։
«Փոխադարձ առևտրի ծավալի աճը վկայում է այն մասին, որ մեր երկրները շահագրգռված են հարաբերությունների ամրապնդմամբ և զարգացմամբ, և մենք միջկառավարական հանձնաժողովի շրջանակում մշտապես կարծիքներ ենք փոխանակում՝ մտածելով մեր համագործակցության հետագա զարգացման ուղիների մասին։ Մենք տեսնում ենք Ադրբեջանի անկեղծ ջանքերը՝ ամրապնդելու Ռուսաստանի հետ կապերը։ Անցակետը, որը մենք այսօր շահագործման ենք հանձնում, այս կառուցողական ջանքերի հիանալի ապացույցն է։ Այս անցակետն է՛լ ավելի է դուրս գալիս մեր երկկողմ հարաբերությունների սահմաններից, այն կարևոր դեր կխաղա Հյուսիս-Հարավ միջազգային տրանսպորտային միջանցքում, որը մենք այսօր կառուցում ենք Ադրբեջանի և այլ երկրների հետ միասին։ Ներկայում նաև բանակցություններ են տարվում Ադրբեջանի հետ երկաթուղային ենթակառուցվածների զարգացման հարցում։ Այդ նախագիծը կմիավորի Ռուսաստան-Ադրբեջան-Իրանն ու Պարսից ծոցը»,- ասել է Օվերչուկը։
Բացի այդ, ՌԴ փոխվարչապետը նշել է, որ «Խանոբա» անցակետը կապահովի Հնդկաստանից ու Պակիստանից Իրանի և Ադրբեջանի տարածքով ապրանքների անխափան և արդյունավետ տեղաշարժը դեպի Ռուսաստան։
Էմմա Չոբանյան
