27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Բաքուն հայտնում է ականի վրա պայթելու հետևանքով 49 ադրբեջանցու մահվան մասին
Քաղաքականություն
16.03.2023 | 23:07
Ադրբեջանի կողմից Արցախի գրավյալ շրջաններում 2020 թվականի նոյեմբերի 9-ից հետո ականի վրա պայթելու հետևանքով մահացել է 49 քաղաքացիական անձ ու զինվորական։ Այս մասին հայտնում է Ադրբեջանի գլխավոր դատախազությունը։
Գերատեսչության տվյալներով՝ վիրավորում է ստացել 234 մարդ։
Ադրբեջանի ԱԳՆ-ն էլ հայտարարություն է տարածել՝ նշելով, որ «ականի վրա պայթելու հետևանքով Ակնայի (Աղդամ) շրջանում երկու խաղաղ բնակիչ է զոհվել և, ինչպես միշտ, անհիմն մեղադրանքներ հնչեցրել Հայաստանի հասցեին։
«Կոչ ենք անում միջազգային հանրությանը՝ աչք չփակել Հայաստանի կողմից իր միջազգային պարտավորությունների, այդ թվում՝ կանխամտածված ականապատման քաղաքականության կոպտագույն խախտումների վրա և պահանջել Հայաստանից կատարել միջազգային իրավունքով ստանձնած պարտավորությունները»,- ասված է հայտարարության մեջ։
Հավելենք, որ ՄԱԿ-ի Միջազգային դատարանն էլ փաստել է, որ Հայաստանն այս առումով որևէ պարտավորություն չունի, բացի այդ՝ Բաքուն որևէ կերպ չկարողացավ փաստեր ներկայացրել ականների հարցով։
Հարկ է նկատել, որ Բաքվի հրապարակած տվյալները հավատ չեն ներշնչում, քանի որ վերջերս Ադրբեջանի ՊՆ-ն հայտնել էր, որ մարտի 4-ին զինծառայող Քյամրանւ Հուսեյնովը զոհվել է ծառայողական պարտականությունները կատարելիս, իբր, «հայերի կողմից տեղադրված ականի վրա պայթելու հետևանքով»։ Սակայն զինվորականի ծնողները լրատվամիջոցներին պատմել էին, որ Հուսեյնովը մահացել է Քարվաճառում՝ ձնահոսքի տակ ընկնելու հետևանքով։
Էմմա Չոբանյան
