27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Թուրքիան կարող է ռուսական C-400 համակարգերի կարիքն այլևս չունենալ․ Bloomberg
Քաղաքականություն
16.03.2023 | 22:13
Թուրքիան շուտով կարող է կարիք չունենալ C-400 զենիթահրթիռային համակարգերի, որոնք հանգեցրին Անկարայի հարաբերությունների լարվածությանը ԱՄՆ-ի հետ։ Այս մասին գրում է Bloomberg-ը, փոխանցում է Gercek News-ը։
2017 թվականի վերջին Անկարան պայմանագիր է ստորագրել Կրեմլի հետ C-400 պաշտպանական համակարգերի մատակարարման վերաբերյալ, որը, ԱՄՆ-ի կարծիքով, վտանգ է ներկայացնում սեփական ինքնաթիռների համար և անհամատեղելի է ՆԱՏՕ-ի համակարգի հետ:
Թուրքիայի կողմից առաջադեմ ռուսական սպառազինության գնումը, չնայած ՆԱՏՕ-ի անդամ լինելուն, ընկալվեց որպես Պուտինի հետ մերձեցում: Այնուհետև ԱՄՆ-ը Թուրքիային F-35 կործանիչների ծրագրից հեռացրեց՝ կիրառելով նաև պատժամիջոցներ, որոնք խորացրին երկու երկրների հարաբերություններում լարվածությունը։
Այժմ, ըստ Bloomberg-ի, պաշտպանական սարքավորումներ արտադրող Aselsan Elektronik Sanayi-ի նախագահ Հալուք Գորգունը հայտնել է, որ Թուրքիան մշակում է սեփական Siper հակաօդային պաշտպանության համակարգը, որը թույլ կտա երկրին ինքնաբավ լինել։
«Մենք հակաօդային պաշտպանության համակարգեր ենք պատրաստում։ Մեզ պետք չեն C-300, C-400 համակարգեր։ Մենք վերացնում ենք դրանց կարիքը։ Սա մեր պարտքն է»,- ասել է նա։
Ըստ հրապարակման՝ այս զարգացումը համահունչ է նախագահ Էրդողանի «ավելի հաստատակամ արտաքին քաղաքականությանը, որն ապահովվում է ներքին ռազմական հզորությամբ»:
Էմմա Չոբանյան
