19.03.2026 | 23:17
Էստոնիան մեղադրել է Ռուսաստանին օդային տարածքի խախտման համար
Քըլըչդարօղլուն կայցելի քրդական կուսակցության գրասենյակ՝ ընտրությունների շուրջ բանակցությունների
Քաղաքականություն
15.03.2023 | 21:29
Թուրքիայի գլխավոր ընդդիմադիր Ժողովրդահանրապետական կուսակցության (CHP) առաջնորդ, ընդդիմադիր միասնական թեկնածու Քեմալ Քըլըչդարօղլուն շաբաթ ժամը 13:00-ին այցելելու է քրդամետ Ժողովուրդների դեմոկրատական կուսակցության (HDP) գրասենյակ։ Այս մասին հայտնել են CHP-ի պաշտոնյաները, գրում է Gercek News-ը։
Նշվում է, որ Քըլըչդարօղլուին ընդունելու են HDP-ի համանախագահներ Փերվին Բուլդանն ու Միտհաթ Սանջարը։
Այս այցը տեղի է ունենում այն բանից հետո, երբ HDP-ի համանախագահ Միտհաթ Սանջարը հայտարարեց, որ իրենք կարող են աջակցել Քըլըչդարօղլուին նախագահական ընտրությունների առաջին փուլում, եթե կարողանան սկզբունքների վրա հիմնված համաձայնության գալ։
Քրդական կուսակցությունը, որն ունի 10-12 ընտրական ձայն, վճռական դերակատարում ունի մայիսի 14-ին նշանակված նախագահական ու խորհրդարանական ընտրություններում, և ընդդիմադիր դաշինքը նրա աջակցության կարիքը կունենա՝ նախագահ Ռեջեփ Թայիփ Էրդողանի երկու տասնամյա քաղաքական կառավարմանը վերջ տալու համար:
Էմմա Չոբանյան
