12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
Փաշինյանն ահազանգեց Ադրբեջանից նոր վտանգը․ ՌԴ-ի հետ Ալիևը ծրագրել է հարվածել ԵՄ դիտորդներին. Էմիլ Օրդուխանյան. ՏԵՍԱՆՅՈՒԹ
Քաղաքականություն
14.03.2023 | 21:02
Նիկոլ Փաշինյանն ասուլիսում այսօր հայտարարեց, որ շատ մեծ է էսկալացիայի վտանգը թե՛ ՀՀ սահմանների երկայնքով, թե՛ ԼՂ-ում․ «Իմ եզրակացությունն Ադրբեջանի աճող հռետորաբանությունից է, կան նաև այլ տվյալներ»։
Ադրբեջանը մեղադրել է ՀՀ-ին ԼՂ-ում բանակ ունենալու մեջ, և ՀՀ-ն առաջարկել է միջազգային դիտորդներ բերել ԼՂ՝ դա ստուգելու, սակայն Ադրբեջանը մերժել է։ Փաշինյանն ասաց՝ հաշվի առնելով նաև էթնիկ զտումների Ադրբեջանի պատրաստվելը, պատեհ կլինի միջազգային փաստահավաք խումբ ուղարկել։
Արդյո՞ք ՀՀ-ն պատրաստ է Ադրբեջանի նոր էսկալացիաներին։ Քաղաքագետ Էմիլ Օրդուխանյանը Factor TV-ին տված հարցազրույցում ասում է, որ էսկալացիայի իրական վտանգը երբեք չի վերացել և ՀՀ-ն պետք է մշտապես պատրաստ լինի այդպիսի զարգացումներին։
«Բայց եկեք հասկանանք՝ ինչո՞ւ հենց հիմա և ի՞նչ իրադարձություններ հաջորդեցին, որ նման սպառնալիքը կրկին մեծանա։ Վերջին շրջանում դիվանագիտական դաշտում ՀՀ-ն գրանցում էր խիստ հաջողություններ, և այս ամենը ցույց է տալիս, որ Ադրբեջանի նկրտումները՝ կապված Արցախի, ՀՀ սուվերեն տարածքների հետ, այլևս իրականանալու հեռանկարներ չունեն։ Հայկական կողմի հաջողություններից են եվրոպական դիտորդների տեղակայումը, Լաչինի միջանցքի հարցով Հաագայի դատարանի վճռի կայացումը։ Ի՞նչ տեղի ունեցավ ՀՀ-ում ԵՄ դիտորդների տեղակայումից, Հաագայի դատարանի որոշման հրապարակումից հետո․ ՌԴ ԱԳ նախարար Սերգեյ Լավրովն այցելեց Ադրբեջան, և եթե համադրում ենք այս գործընթացները, սրանից հետո է, որ էսկալացիայի վտանգը մեծացել է»,- ասաց նա։
Քաղաքագետը ոչ պատահական է համարում նաև այն, որ ՀՀ-ին Ադրբեջանի 7 շրջանը գրավելու մեջ մեղադրելուց հետո Ալիևը սկսեց խոսել ԼՂ-ի ինտեգրացիայից, ինչը պատահական չէ։
Հարցազրույցն ամբողջությամբ՝ տեսանյութում։
Ռոբերտ Անանյան
