27.06.2026 | 14:00
ՍԴ-ն քննում է ընտրությունների արդյունքներն անվավեր ճանաչելու գործը․ ՈՒՂԻՂ
Բախմուտի կենտրոնի համար մարտերը շարունակվում են․ երկու կողմերն էլ հաղորդում են հակառակորդի մեծ կորուստների մասին
Քաղաքականություն
14.03.2023 | 21:28
Ռուսաստանը չի դադարեցնում Դոնեցկի և Լուգանսկի վարչական սահմաններ դուրս գալու փորձերը։ Կատաղի մարտերն ընթանում են Բախմուտի կենտրոնը վերահսկելու համար։ Սա ամենաերկարատև և արյունալի մարտն է ռուսական ներխուժման ընթացքում։ Կիևն ու Մոսկվան պնդում են, որ վերջին 24 ժամում թշնամու հարյուրավոր զինվորներ են սպանվել, գրում է Euronews-ը։
Երկու կողմերն էլ ավեարածությունների հետևանքների մասին վկայող կադրեր են հրապարակում, ենթադրաբար, Դոնեցկի շրջանի օկուպացված Վոլնովախա քաղաքի վրա ուկրաինական հարվածի հետևանքները։
Ուկրաինայի նախագահ Վլադիմիր Զելենսկին խոստանում է հակահարված տալ թշնամուն արևելյան ճակատում, որտեղ իրավիճակը «չափազանց ծանր է»։
«Իրավիճակն արևելքում չափազանց ծանր է, չափազանց ցավոտ։ Մենք պետք է ոչնչացնենք թշնամու ռազմական հզորությունը և մենք դա կանենք։ Բելոգորիվկա և Մարինկա, Ավդիիվկա և Բախմուտ, Ուգլեդար և Կամենկա ու մնացած բոլոր քաղաքները, որտեղ որոշվում է մեր ապագան, բոլոր ուկրաինացիների ապագան»,- հայտարարել է Զելենսկին։
Տաթև Ֆռանգյան
